Peyamê Roşanê Qurbanan

Peyamê Roşanê QurbananRayaumûmî yê Kurdistan û Tirkîya rêBi nameyê Homayê Rehman û RehîmîYew demo ke cografyaya îslamî û Kurdistan mîyanê şer, şerê birakujî û zehmetîyan de yo, ma roşanê qurbanan îdrak kenê.Herinda tefrîqa de îtîfaq, herinda şerî de aştî, herinda zulmî de edalet, herinda keyfîyetî de huqûq û herinda hegemonya de tesîskerdişê hakimîyetê azadî mîyanê telebanê acîlan yê alemê îslamî, şarê Tirkîya û Kurdistanî de yê.Bê ke ma hêvîya xwu vîndî bikin û ma hêvîya xwu qedîyayîşê şer û rijnayîjî ra bibirnin, bê ke ma muhacirê ke rîyê xetereyê can û malê xwu ra û seba piranêk nan welatê xo terk kenê bikin xwu vîr ra, ma Roşanê Qurbanan bimbarek kenê.Ma bi nê hîsîyatî venga heme endam, temsîlkar, îdarekar û terefdaranê HEREKETÊ AZADÎ danê ke roşan de nêweşan zîyaret bikerê, ardimê muhtacan bikerê û destê aştîye seba her kesî derg bikerê.Ma wazenê wa şerê mabeynê PKK û dewlete de derhal vindero, wa problemanê mîyanê xwu çarçewaya huqûq û edaletî de bi dîyalog hel bikerê; û ma danê zanayîş, tu sebebêko maqul çin o ke ê zerar bidê can û malê şarî.Seba azadîya şarê Kurdistanî ganî şîdet sey rayîr û metodî tercîh nêbo, alternatîfê şerî zî neke koletî azadî ya.Bi na wesîle ma vanê wa rehma Homayî ruhê heme şehîdanê Kurdistanî ser o bo û ma aîleyê înan û şarê ma rê zî sebr û metanet hêvî kenê.Ma hêvî kenê ke roşan bibo wesîleya aştî biratî; ma bi ‘aştî’ya ke selamê Homayî ya selam danê heme şarê xwu û alemê îslamî.Hereketê Îslamî yê Kurdistanî / HEREKETÊ AZADÎ

Nerîna min :