Opozîsyona Sûryeyê diyalog bi desthilatê re ret kir

Opozîsyona Sûryeyê diyaloga “lihevhatina netewî” ,ku serokê Sûryeyê Beşar Alased pêşniyaz kiribû , ret dike .Di vê derbareyê de opozîsyona Sûryeyê beyannameyek belav kir û têde dibêje: “Diyalog ne mumkine hetanî ku, desthilat kuştin û çewisandina welatiyan nerawestîne”.

Li gor Dengê Rusiyayê, opozîsyon dozê li rêjîmê dike ku, dorpêçana bajarên  bûne navenda serhildanê betal bike  û girtiyên siyasî û yên di encamê xwepêşandanan de hatine girtin bilez serbest berde .

Komîteya serhildanê wisa jî tekiz dike  ku, dê xwepêşandanên aştiyane li dijî rêjîma Sûryeyê berdewam bin.

 Weke tê zanîn ji 15 adarê ve xwepêşandanên gelêrî li Sûryeyê berdewam in . Li gora zanyariyên mafparêzan heta nuha, ji sedemê şideta leşker û emina sûrî li dijî xwepêşandanan bikartîne, bi kêmanî 800 mirovî jiyana xwe ji destdane