Ocalan: Qendîl min wekî taşeron bi kar tîne

HERDU ALÎ JÎ MIN ÎDARE DIKIN

Ocalan diyar kir ku di nava şert û mercên ku dijî de nikare rêbertiya pratîk bike û wiha pê de çû: “Ez li vir nekarim rêbertiya pratîk bikim. Di van şert û mercan de ez nekarim wisa bikim. Her du alî jî ji min re hin tiştan dibêjin. Dewlet û AKP ji xwe çi dikin li holê ye. Herdu alî jî min îdare dikin. Ev jî şantaj e. Qendîl min wekî taşeron bi kar tîne. Dewlet jî min wekî taşeronê heyetê bi kar tîne. Her du alî jî min wekî taşeron bi kar tîne.”

Ocalan, destnîşan kir ku ew êdî dawî li bikaranîna xwe ya wekî taşeronê tîne û wiha got: “Ji îro şûnde ez dawî li vê tînim. Tiştê ku ez bikim qediyan. Ji vir şûnde ji bo ku ez rola xwe bidomînim, divê derfet ji bo tenduristî, ewlehî û bi awayekî azad hereket bikim hebe. Êdî ev tunebin ez nikarim tu tiştekî bikim. Pozîsyona min bi vî awayî zirarê dide dewletê jî kurdan jî. Hinek kesan digot ku Ocalan nikare di van şert û mecan de rêbertiya pratîk bike. Rast e mirov nikare biki. Di van şert û mercan de hevdîtinên aştiyê pêk nayên.”

Ocalan, daxuyand ku li Tirkiyeyê kesê ku bikaribe rola De Clerk bileyîze tune ye û wiha got: “Dest ji De Clerk berdin, niha Erdogan rola Çîllerê wergirtiye. Operasyon li ser operasyonê dike. Tiştê ku diket ser milê heyetê pêk neanî. KCK’ê jî tiştî ku dikeve serê milê wê pêk neanî. Bi vî awayî em nikarin bimeşînin. Ziyanê didin dewletê jî û didin kurdan jî. Di van şert û mercan de ger zêdetir were meşandin tu sûdeke xwe ji bo kurdan tune ye.”

Ocalan, bilêv kir ku wî karê her du aliyan jî hêsan kir û wiha got: “Min ji bo wan pêşniyar kir û riyên çareseriyê destnîşan kir, min protokol pêşkêş kir. Weke din dikarim çi bikim? Ez ê çawa bikaribim zêdetirê bi hefte an jî mehê bi axaftina yek saetê bikim! Lê helwesta herdu aliyan jî êdî cuda ye. Min jî li vir weke teşeron bi kar tînin. Her du alî jî min îdare dikin. Ez ne kesekî wisa me. Ez tu carî destûr nadim ku bi rûmeta kurdan bilîzin.”

Ocalan, got ku van şertên xwe ji heyetê re jî bêje û wiha got: “Min ji heyetê re jî gotibû ku ez nikarim di van şertan de bidomînim. Bawer im ez ê careke din bi heyetê re bicivim. Ez ê vê biryara xwe ji wan re jî bibêjim. Ji niha û pêve ger herdu alî li hev bikin, bila bikin. Ez jî di van şertan de tune me. Şer dikin bila bikin, ez xwe têkel nakim êdî.”

Ocalan, ji bo şertên xwe yên rolgirtinê jî wiha got: “Ger ku dixwazin ez rol bigirim, sê şertên min hene; şertê tenduristî, ewlehî û bi awayekî azad tevgerkirin. Ger van mercan pêk bînin, ez ê bidomînim. Ger her tu alî jî ji bo rewşa min li hev bikin, ez ê rola xwe bilîzim. Ger pêk neynin, ez nikarim bidomînim.”

 

(ANF)

Bersiv :

Nêrîna te
Nav: