Norwêç wê alîkarîkirina Kurdistanê de berdewam be
Îro dûşem 18/08/2014 birêz Børge Brende Wezîrê Derveyê Norwêç li rêya telefonê ve peywendiyê birêz Mesûd Barzanî Serokê Herêma Kurdistanê re kir.
Li peywendiyê da Wezîrê Derveyê Norwêç palpiştiya Hikûmet û gelê Norwêçê ji bo gelê Kurdistanê ya li şerê terorîstan da ragihand û pîrozbahiya serkeftinê li hêza Pêşmergeyên Kurdistanê ya li ser terorîstan de li Serok Barzanî kir, bi wê yekê ku hêzên Pêşmerge rê nedan terorîstan pêşrewî bikin û şiyana wan têkşikandin.
Her wiha ragihand, hêvîdarîn ewê cenabê we û Herêma Kurdistanê li berengarbûna Da’îş da kiriye bibê destpêka dawî anîn û têkşikandina terorîstan li navçe û cîhanê da. Li dirêjahiya peywendiya telefoniyê da Wezîrê Derveyê Norwêç hevsoziya xwe beramber êşa wan hemû hemwelatiyan de nîşanda ku ji tirsa tehdîdên terorîstan da koçber bûne û mal û halê xwe bi cîh hiştine û xwe spartine Herêma Kurdistanê.
Li beramber da Serok Barzanî spasî helwesta Hikûmeta Norwêçê kir û ragihand, gelê Kurdistanê bi serbilindiyê ve li şûna cîhana azad şerê dewletekî terorîstî dike ku çekên her dû artêşên Iraq û Suriye ketiye destê wan û got: Serbilindîn bi wê yekê ku Herêma Kurdistanê û Pêşmerge karîne canê zêdetirê yek milyon û nîv koçberan biparêze.
Li beşekî dinê peywendiya telefoniyê da Serokê Herêma Kurdistanê ragihand, em li ser parastina biha û prensîpên demokrasî û lêborînî û pêkvejiyanê sûrîn.
Li dawiya peywendiya telefoniyê da Wezîrê Derveyê Norwêçê ragihand wekî hengavekî praktîkî heftiya bê serdana Herêma Kurdistanê dike û dûpata wê yekê kir ku Norwêç li alîkariya mirovî de berdewam dibe û Hikûmeta wan wê yekê dinirxîne ku çawa em van hevkarî û piştevaniyan berfireh bikin.
