Netanyahu: Îsraîlê li nêzîkî qesra serokatiyê li Şamê cihek kir armanc!
Serokwezîrê Îsraîlê Benjamin Netanyahu vê sibehê ragihand ku Îsraîlê li nêzî qesra serokatiyê li paytexta Sûriyeyê Şamê li hedefekê xistiye û soza xwe ya “parastina kêmneteweya Durzî” dubare kir.
Wezîrê Derve yêSûrîye Esed el-Şeybanî ev êrîş destwerdana derve şermezar kir û got, “Yekîtiya neteweyî bingeha xurt a pêvajoya îstîqrar û pêşketinê ye.” “Bangkirina destwerdana biyanî bi her bahaneyek an dirûşmeyekê dê tenê bibe sedema alozî û dabeşbûnê,”
Ev duyemîn êrîşa Îsraîlê bû li ser Sûriyeyê di nav du rojan de piştî ku soz da ku kêmneteweya Durzî biparêze.
Netanyahu di daxuyaniyek hevbeş de ligel Wezîrê Parastinê Îsraîl Katz got, “Şeva borî, Îsraîlê li nêzîkî qesra serokatiyê li Şamê êrîşeke asmanî pêk anî.” wî got. “Ev peyameke zelal e ji bo rejîma Sûriyeyê: Em ê nehêlin hêzên (Sûrî) li başûrê Şamê bi cih bibin an jî ji bo Durzîyan tu gefê nexwin.”
Berdevkê artêşa Îsraîlê Avichay Adraee li ser platforma Xê nivîsandiye, “Balafirên şer vê dawiyê li derdora Qesra Ehmed Huseyîn El-Şara ya li Şamê êrîşî herêma kirin.” Heta niha ti daxuyaniyek ji aliyên hikûmeta Sûriyê ve nehatiye dayîn.
