Nêçîrvan Barzanî pêşwaziya hunermend Brader Musikî kir

Cîgirê serokê Partiya Demokrata Kurdistanê Nêçîrvan Barzanî li bargeha xwe Hewlêrê pêşwaziya hunermendê Kurd Brader Musikî kir.

Di hevdîtinê de, ku di atmosfereke germ de derbas bû, Nêçîrvan Barzanî kêfxweşiya xwe anî ziman û diyar kir ku stran û mûzîka kurdî, li bakurê Kurdistanê roleke mezin di parastina ziman, kultur û çanda kurdî de lîstiye.

Nêçîrvan Barzanî her wiha bal kişande ser wê rastiyê ku, wendabûna netewe bi wendabûna ziman ve girêdayî ye. Got, „ziman nemîne netewe jî namîne. Ji ber vê yekê em deyndarê huner û hunermendên Kurd in…“

Cîgirê serokê PDK Nêçîrvan Barzanî, rola hunermend Brader Musikî di parastina huner û muzîka kurdî de bilind nirxand û got ew hêjayî qedirdayînê ye.

Di navbera hunermend Brader Musikî û Nêçîrvan Barzanî de suhbeteke germ û watedar li ser rewşa huner û hunermendên kurd, bi taybetî yên li derveyî welat derbas bû.

Nêçîrvan Barzanî got ew amade ye bi her awahî piştgiriya kar û projeyên hunerî û hunermendan bike.

Her du alî li ser hinek projeyên hunerî axifîn.

Rojevakurd/Avestakurd

Nerîna min :