Biryara “Serdana Îmraliyê” ku ji aliyê Komîsyona Parlementoyê ve bi piraniya dengan hatiye dayîn, li Tirkiyeyê bûye mijareke germ. Di navbera CHP û Partiya DEMê de, ku endamek di şandeya Îmraliyê de cih negirtiye, alozî hîn jî berfirehtir bû.
Partiya DEMê di çarçoveya înîsiyatîfa “Tirkiyeya Bê Terorê” de “Civîna Gel a Erzurumê” li dar xist. Serokê DEMê Tuncer Bakirhan di çalakiyê de axivî û behsa “Serdana Îmraliyê” ya Komîsyona Hevgirtina Neteweyî, Biratî û Demokrasiyê, ku di çarçoveya înîsiyatîfa “Tirkiyeya Bê Terorê” de hatiye damezrandin û helwesta CHPê ya li ser pêvajoyê kir. Berî û piştî çalakiyê, ku li Navenda Çandê ya Necip Fazıl Kısakürek li navçeya Palandökenê hate lidarxistin, tedbîrên ewlehiyê yên asta bilind hatin girtin. Berî vekirina çalakiyê Sirûda Neteweyîya Tirka hate gotin.
Serokê DEMê Tuncer Bakirhan got, “Tevî her tiştî, bi îzna Xwedê, em ê aştiyê ava bikin.” “Komîsyona Parlamentoyê biryarek dîrokî da. Ez hemû endamên komîsyonê yên ku ev biryar dan û dengê xwe dan wê pîroz dikim. Ez wan pîroz dikim. Ez spasiya wan dikim. Ez dixwazim çepikek mezin ji bowan lêbidin. Komîsyonê ne tenê erkek bi cih anî; wê helwestek girt ku xizmeta aştiya li Tirkiyeyê bike. Ez her wiha dixwazim vê derfetê bikar bînim da ku spasiya xwe ji Serokomar Recep Tayyip Erdogan û Serokê Partiya Tevgera Neteweperest Devlet Bahçelî û Serokê Parlamentoyê Numan Kurtulmuş re ji bo hewldanên wan di vê pêvajoyê de diyar bikim. Em ji kevneşopiyeke bi rûmet tên ku edaletê heq dikin, her kesê ku rast e pîroz dikin, spasî û çepikên wî dixin, her çend em bi wan re ne li hev bin jî.”
Bakirhan, bi bîr xist ku hin partiyan di qonaxek girîng a pêvajoya dîrokî de li dijî çûyina Îmraliyê deng dan û got, “Ji ber vê yekê, ev li ber vê kêliya dîrokî şaşîyek mezin bû. Ez xemgîn im ku vê dibêjim. Ev ne ew bû ku me ji partiya muxalefeta sereke hêvî dikir. Biryara Partiya Gel a Komarî ya nedayîna endaman Kurdan birîndar kiriye. Ger ew berpirsiyariya dermankirina birînek sed salî negirin ser xwe, dê çewebe? Kî dê bawer bike? Me ev nebûna berpirsiyariyê di demekê de dît ku birînek wisa sed salî li ber dermankirinê ye. Lê hêviyên me hîn jî hene. Ji ber ku aştî ji bo heştê û şeş mîlyonî ye. Me hêvî dikir ku partiya damezrîner(Partiya ku Cumhuriyeta Tirkiye avakiriye CHP), ku berpirsiyariya dîrokî ji bo vê pirsgirêka sed salî digire ser xwe, wêrektir be. Me hêvî dikir ku di vê pêvajoyê de nêzîkatiyek xwe-rexnegir hebe. Me hêvî dikir ku ew li aliyê başbûnê yê pêşerojê be. Û em hîn jî hêvî dikin. Ne pir dereng e. Hilbijartina refleksên rabirdûyê li ser hişê damezrîner sûdê nade tu kesî. Bêfeyde ye. Ev biryar ji bo kesên ku bi pevçûn û bêçalakiyê xwedî dibin, bûye xeta jiyanê. Damezrîner… divê partî ji bo aştiyê raweste. “
