Mîranî: Partiyên dijber diyalog red nekiriye

Partiya Demokrat a Kurdistanê (PDK) ragihand ku aliyên opozisyonê diyalog red nekiriye û li ser masê û di bin ve axaftin navbera me de heye.

Her wiha Yekîtiya Niştimanî ya Kurdistanê (YNK) tekîd dike ku rûniştinên nihênî û bi dizî ve li herêma Kurdistanê tune ne, lê kesên niştimanperwer hewl didin gotûbêj navbera aliyan de bê kirin.

Sekreterê Polîtburoya PDKê Fazil Mîranî, îro, ji AKnewsê re daxuyand:

– Em û partiyên dijber  ne dijmin in, em heval û dostên hev in û kurên vî miletî ne, ji ber vêya eger em bixwazin pirsgirêkan çareser bikin her divê em vegerin bo ser maseya diyalogê, opozisyonê jî diyalog red nekiriye.

Mîranî aşkere kir:

– Jêr bi jêr û li ser maseyê jî axaftin navbera me û dijbereyê de heye, ew partiyên siyasî ne û hevparên me ne di vî welatî û di pêvajoya siyasî de.

Mîranî axaftina xwe wiha domand:

– Eger em û ew bixwazin yan ne xwazin, divê li ser maseya diyalogê pirsgirêk bêne çareserkirin, ji ber vêya hêvîdar im rûniştina 5 alî navbera aliyên siyasî de bê encamdan.

Ji bal xwe ve, Endamê Polîtburoya YNKê Ednan Muftî ji AKnewsê re ragihand:

– Li Kurdistanê rûniştin û gotûbêjên bi dizî û jêr bi jêr tune ne, lê kesên niştimanperwer ji aliyan hat û çûnê navbera me dikin daku bi rêya diyalogê re pirsgirêk bêne çareserkirin.

Muftî got jî:

– Em û PDK hêvî dikin ku rûniştinên 5 alî di navbera aliyên siyasî yên herêma Kurdistanê bêne encamdan ji bo çareserkirina pirsgirêkan.

Nerîna min :