Memûzîn bi rave û şîroveyeke nû weşiya

 


 Şahesera Ehmedê Xanî û jêdera hest û ramanên kurdayetiyê berhema navdar Memûzîn, bi rave û şîroveye nû ji Nûbiharê derçû.

Berhema ku hetanî îro bûye dabaşa gelek xebat û vekolînan û ji destpêka sedsala bîstan û vir ve bûye sedemê nîqaşên dûrûdirêj, ji hêla weşanên Nûbiharê ve, bi ravekirin û şîrovekirineke nû û nûjen ya ji aliyê nivîskar û vekolerê kurd û pisporê klasîkên kurdî Perwîz Cîhanî ve hatiye kirin, weşiya.

 Di vê xebatê de, li bin metnê orjînal danberheva 10 nusxeyan, yeko yeko ravekirina peyvan, ciwankariya edebî ya di metnê de û dawiyê jî şîrovekirina wê hatiye kirin.

Hevnasîna amadeker û şirovekerê vê xebatê Cîhanî û Memûzînê digihîje heyamên zarokîtiya wî. Cîhanî ji wê demê ve ye hevnasê Memûzînê ye û cara pêşî di sala 1988an de xebatek li ser Memûzînê ji weşanên Selaheddînê Eyyûbî daye weşandinê.

 Xebata li ser vê berhemê hatiye kirin bi kurtasî wiha ye:

  1. Li ber deh destnivîs û çapan hatiye hevrûkirin.
  2. Peyvên ku di deqa Memûzînê de nayên zanîn yek bi yek hatine ravekirin.
  3. Hilsengandina metnê helbestê ji hêla ciwankariya toreyî û estetîka edebî ve bi hûrgilî hatiye dayîn.
  4. Bi awayekî gelemperî şîrovekirina helbestê û mebesta daner di emilandina peyv û tabîran de bi metodekî ilmî û bi hûrbînî hatiye dayîn.

 Herwiha, ev xebat di warê xwe de yekem û tekane ye ku bi tîpên latînî û zaravayê Kurmancî diweşe…

 Berhem: Mem û Zîn

Nivîskar: Perwîz Cîhanî

Rûpel: 1050

Weşanxane: Nûbihar

ISBN: 9789944360722

 Têbînî: Weşanên Nûbiharê, ji xeynî vê xebatê bi nêzî deh xebatên xwe yî nû beşdarî fûara pirtûkan ya Tüyapê dibe. Salon: 2. No: 608-B

 

Nêrînek

  1. Karekî pîroz e. \r\nMin di televîzyonê da, li bernamekî sêr dikir. Di wê bernamê da, camêrekî(biborin, nav nahê bîra min)got; Ehmedê Xanî di Mem û Zînê da qala elewîyan dike, lê pirtûka ku naha dest me da ye, ew nivîsana tê da nînen/tune ne.\r\nGelo di vê we$anê da, ew nivîs jî hene an na.!?\r\nAn jî ti$tekî wusa hey, an na? Ez dixazim wî jî fêr bibim.

Nerîna min :