Marco Rubio: Bêyî çekdarkirina Hamasê li Xezeyê aştî çênabe
Wezîrê Derve yê Amerîkayê Marco Rubio di konfranseke rojnamevanî de got ku, ji bo her cureyê aştîyekî li Şerîda Xezeyê bêçekkirina Hamasê şertek pêşîn e. Wî got ku welatê wî li ser şandina hêzek navneteweyî bo herêmê geşbîn e.
Rubio li Washingtonê hişyarî da: “Ger Hamas di pêşerojê de di rewşekê de be ku gefê li Îsraîlê bixwe an jî êrîşî wê bike, aştî çênabe.” Ji ber vê sedemê, wî zêde kir, mijara “bêçekkirinê” pir hesas û girîng e.
Li ser pêşeroja ewlehîyê li Şerîda Xezeyê, Wezîrê Derve yê Amerîkayê geşbîniya xwe anî ziman ku welat amade ne ku leşkeran bişînin da ku beşdarî hêza aştîxwaz bibin. Rubio got: “Ez pir bawer im ku hejmarek welatên me hene ku amade ne werin pêş û bibin beşek ji wê hêza bicihkirinê.”
Marco Rubio bal kişand ser rewşa li Venezuelayê û got ku rewş “netehemûlbar” dimîne û divê biguhere; Rubio got: “Rûsya bi şerê Ukraynayê mijûl e û ji bo tiştekî din wextê wê tune.”
Rubio got, “Tiştek dê rê li ber şiyana me ya bicîhanîna qanûnên Amerîkî yên li ser cezayan negire. Fermana dadgehê li cem me heye û em ê wê bicîh bînin.”
Li ser şerê Rûsya-Ukraynayê, Wezîrê Derve yê Amerîkayê gotegotên ku Washington dixwaze peymanek li ser Kîevê ferz bike red kir. Rubio got, “Gotegota ku em zextê li ser Ukraynayê dikin bêaqilî ye. Em nikarin ne Ukrayna û ne jî Rûsyayê neçar bikin ku bigihîjin rêkeftinekê; divê ew bixwe bixwazin vê bikin.”
Di dawiyê de, Mark Rubio behsa pirsgirêkên sînor li Başûrrojhilatê Asyayê kir û hêvî kir ku heta roja Duşemê an Sêşemê ya hefteya bê, Tayland û Kamboçya dê bigihîjin rêkeftinekê ji bo nûkirina agirbestê û bidawîkirina pevçûnên di navbera hêzên xwe de; “Em li ser vê yekê geşbîn in,”
