Listên Iraqî serdana Kurdistanê dikin

Li Selahedînê rêzdar Mesûd Barzanî Serokê Herêma Kurdistanê pêşwaziya şandeke bilinda danustandkara lîsta hevalbenda El Iraqiye kir ku bi Serokatiya Dr Raf Îsawî Cîgirê Serok Wezîrên Iraqa Federal û endametiya kesêtî yên bi nav û dengên di nava vê lîstê de pêkhatibûn.

Di hevdîtinê de ku Dr Roj Nurî Şaweys Cîgirê Serok Wezîran û Hoşyar Zêbarî Wezîrê Derveyê Iraqa Federal û Fuad Husên Serokê Dîwana Serokayetiya Herêma Kurdistanê amadebûn, dîtin û nêrînên li dor rewşa siyasî ya piştî ragihandina encamên hilbijartinên vê dawiyê ya civata nûnerên Iraqa Federal de danûstandin kirin û her du alî li hevbûn ku her çend hejmareke kêmasî hebûn jî, lê prosesa hilbijartinan bi awayeke baş birêveçu û her wiha hewcedariyên qonaxa bê û girîngiya hevkariya di navbera hêzên siyasî bi awayekî ku xwestekên hemû pêkhatên Iraqê mîsoger bike, hate guftûgo kirin.

Her wiha di vê hevdîtinê de balkişandin li ser wan guftûgo û şêwiriyên di navbera lîsteyên serketî yên hilbijartinê de birêve diçin, wekî destpêkek ji bo çêkirina hevpeymaniya pêwîst hate dîtin û her du alî tekez li ser wê yekê kir ku nabê tu lîst û aliyek ji prosesa siyasiya bê ya Iraqê de bête dûr xistin.

Nerîna min :