Lîsta Malikî:Serokkomarî ji bo kurdan e

11/03/2010

Endamên lîsta Îtilafa Dewleta Qanûnê ya Nûrî Malikî ragihandin, ku ew dixwazin postê serokatîya Iraqê her ji kurdan re be û ew di vê derbarê de ne regezperest in. Endamên vê lîstê weha dan nîşandan, ku êdî cih û warê hizr û bîrên şovenîstan û regezperestan di Iraqa nû de nîne.

Berpirsekî lîsta Îtilafa Dewleta Qanûnê ya Nûrî Malikî yê bi navê Welîd Elhillî ragihand, ku ewên dixwazin postê serokatîya komara Iraqê ne ji kurdan re be, şovenîst in û nabe ku ev bîr û bawerîyên weha di Iraqa nû de hebin.

Welîd Elhillî ji ajansa Eswatuliraq re da xuyakirin, ku Mam Celal Talebanî herdem parêzerê yekîtîyê û yekbûna navbera hemû pêkhatên Iraqê bûye.
Welîd Elhillî got: “ Mam Celal Talebanî hiştiye ku yekîtîya Iraqê xurt bibe. Partîya Dewe ya bi serokatîya Nûrî Malikî û lîsta Îtilafa Dewleta Qanûnê jî, li dijî wan kesan in, ewên ku dixwazin Mam Celal ji posta serokatîyê dûr bixin.

Serokê komara Iraqê Celal Talebanî di nava 2005-2006 de serokatîya veguheztîya desthilatdarîya Iraqê kir û piştî encamdan prosesa hilbijartinan jî, bû serokê Iraqê û çar salan serokatî kir.

11/03/2010