Li Başûr partiyên siyasî dicivin

Li Encûmena Wezîran a Herêma Kurdistanê, li ser daxwaza Serokwezîr Nêçîrvan Barzanî, her pênc partiyên serekî yên Herêma Kurdistanê dicivin.

Her pênc partiyên serekî yên Herêma Kurdistanê ji Partiya Demokrat a Kurdistanê (PDK), Yekîtiya Niştimanî ya Kurdistanê (YNK), Tevgera Goran, Yekgirtûya Îslamî ya Kurdistanê (Yekgirtû) û Komela Îslamî ya Kurdistanê pêk tên.

Di vê derbarê de Endamê Polîtburoya Komela Îslamî ya Kurdistanê Bilal Silêman ji BasNewsê re got: ‘’Emîrê Komela Îslamî Elî Bapîr ji bo civînê hatiye vexwendin ku biryar e sibe li ser asta bilind a her pênc partiyan li Encûmena Wezîran ligel Serokwezîrê Herêma Kurdistanê Nêçîrvan Barzanî bicivin.’‘

Derbarê naveroka civînê de jî Bilal Silêman wiha axifî: ‘’Armanca civînê gotûbêjkirine li ser çar pirs û mijarên serekî wek; mijara bûna Şingalê wek herêmeke serbixwe, rewşa navxwe ya Herêma Kurdistanê,  rêkeftina navbera Hewlêr û Bexdayê û krîza darayî li Herêma Kurdistanê.’‘

Nerîna min :