Kurdperwer Dr. Cuwan Heqî koça dawî kir.

Dr. Cuwan Heqi (Batû), li gundê Şêxê Reş, Şirnexê, bakurê Kurdistanê hatiye dinê. Wî xwendina xwe ya tibbê (tendûrûstiyê) li Bulgaristanê sala 1987an temam kiriye û ew heman salê de hatiye Swêdê. Wî li Swêdê pisporîya doktora ya xwe li beşê psikiyatrîyê kiriye.

Dr. Cuwan Batû, salên 1996-98-an de kovara ”Rojbaş” derxistiye.
Gelek nivîsên wî di kovar û rojnameyên kurdî de derketine. Berhemek, lêkolînek, zanistî yê wî bi swêdî di derbarê nexweşiyên mejî, taybetî yên jibîrkirinê (demens) heye
(1994).

Pirtûka wî ya ewil bi kurdî, bi navê ”Şûjin” sala 2000-an de ji aliyê çapxaneya kurdî, APEC, li Swêd derketiye. 16 kurteçîrokên wek fabel di nava vê pirtûka wî Şûjin de hatine civandin.
Pirtûka duwem, bi navê ”Xeta Sor” sala 2007-an, ji aliyê çapxaneya kurdî, Doz ve li Stenbolê derketiye.

Di pirtûka Xeta sor de, her dîsa bi rengê fable (wek ko di pirtûka Şûjin de), giranî li ser pirsgirêkên dayin û standina navbera insanan de (taybetî yên kurd de), lê bi şêweyekî psîkolojîkî hatiye rawestandin.
Dr.Cuwan Batû ji 2009ê ve xwediyê destgahên ya ragihandinê MediaKurd û malpera serwext.com û cnnkurd.tv bu.

Kurdperwerê ji dil û çalak, di 66 Salîya xwe de 26ê Sibata 2020an de li Stockholmê ji ber nexweşîya pençeşêrê, ji nav me koç kir.
Serê malbata wî û Kurdistanîyan sax bê.

Rojevakurd / Stockholm