Kurdên Kerkûkê xaniyên xwe difroşin Ereb û Turkmen jî dikirin

29/07/2010

Kurdên bajarê Kerkûkê dest bi firoştina mal û milkên xwe kirine û Ereb û Turkmen jî dikirin. Ew kurdên ku mal û xanîyên xwe yên tapokirî difiroşin, li cihên bê tapo, qedexekirî û ne di nava nexşeya hukûmetê de, mal û xanîyan dikirrin û ava dikin.

Cihgirê serokê encûmena parêzgeha kerkûkê Rêbiwar Talebanî di vê derbarê de ji PNA re da xuyakirin, ku Ereb û Turkman ji meha gulana derbasbûyî ve mal û milkên kurdan dikirin.

Rêbiwar Talebanî got, ku kurd jî diçin li derveyî bajêr û li cihên bê tapo û qedexe û ne di nava nexşeya hukûmetê de, mal û milkan dikirin û xanîyan ji xwe re ava dikin û ev xeterek mezin e.

Rêbiwar Talebanî got: “ Ewên ku mal û milkên xwe difiroşin bêtir aware ne. Ew dibêjin ku hukûmetê mafên wan xwariye û ji ber vê yekê dest bi firoştina mal û milkên xwe dikin. Belê ew ji ber tirsa terorîstan jî weha dikin.

Di vê bêjedana xwe de Rêbiwar Talebanî da nîşandan, ku ev kurdên han ji ber kar û kirdarên terorîstan, nikarin li nava taxên Ereban û Turkmanan bijîn, ji ber ku kes wan naparêze.

29/07/2010