Li Îranê pêşnûmeqanûnek nû hat amadekirin. Jinên ku serê xwe negirin dikarin raserî 10 sal cezayê girtîgehê, zêdeyî 60 qamçîyan û cezayên giran bibin. Eger ev pêşnûme ji alîyê Parlamentoya Îranê ve bê pesendkirin û bê qebûlkirin, dibe ku di meha Cotmehê de bikeve merîyetê.
Li gor pêşnûmeqanûnê, heger jin li Îranê li gor qanûnan tev negerin, li dijî erêkirina rayedaran û li dijî qanûna hicabê ya mecbûrî derkevin, dibe ku heta 10 sal cezayê girtîgehê bistînin. Kargehên ku bê hicab xizmeta jinan dikin jî bi girtinê re rû bi rû ne. Qanûna cilûbergan a tundtir, ku li gor pisporên Neteweyên Yekbûyî wek “cudakarîya zayendî” tê hesibandin.
Li gor rojnameya The Guardian, di pêşnûmeya qanûnê de ku wek “qanûna Hicab û îfadê” tê binavkirin, cezayên ku ji zêdetirî 60 qamçîyan, cezayên giran û cezayên girtîgehê hene. Qanûn her weha hişyarî dide karsazên ku ji jinên servekirî re xizmetê dikin û wan bi girtin û encamên din ên giran re rû bi rû dihêle.
Li gor komek pisporên ku ji alîyê Konseya Mafên Mirovan a Neteweyên Yekbûyî ve hatine wezîfedarkirin, ev pêşnûmeya qanûnê wek hewldanek ji bo tepisandin û bi tevahî bindestkirina jin û keçan e.
