Metran Beşar Werde ragihand ku, 16 hezar malbatên Mesîhî ji deverên cuda cuda yên Iraqê hatine parêzgehên Herêma Kurdistanê û niha navçeya Enkawa bûye navenda herî girîng a Mesîhiyan a li Rojhilata Navîn.
Metran Beşar Werde ji K24ê re diyar kir, ji sala 2003yan ve, Mesîhiyên li bajarên mezin ên weke Bexda û Mûsilê rûbirûyî êrîş, gefa revandinê, teqîn, daxwazkirina fîdye û kuştinê bûne, di heman demê de 67 dêr hatine teqandin, ji ber vê yekê gelek welatiyên Mesîhî ber bi Amerîka, Kanada û welatên din koç kirine.
Werde destnîşan kir, 16 hezar malbatên Mesîhî ji deverên cuda cuda yên Iraqê hatine parêzgehên Herêma Kurdistanê û niha navçeya Enkawa bûye navenda herî girîng a Mesîhiyan a li Rojhilata Navîn.
Herwiha eşkere kir, welatiyên Mesîhî li Iraqê rastî çewisandinê bûne û hejmareke mezin ji welatiyên Mesîhî, ji karên xwe hatine dûrxistin, hemû van reftaran jî wisa kiriye ku Mesîhî hest bi asayîş û seqamgîriyê nekin û deverên xwe yên li parêzgehên din Iraqê bi cih bihêlin û berê xwe bidin Herêma Kurdistanê.
