Îsal hukumeta Iraqê nayê ava kirin

Roj N. Şaweys di dîdara xwe de ya bi ajansa Reuters re da xuyakirin, ku heta niha endamên şandeya kurdî ya ji bo guft û goyan, du caran hevdîtin  bi Nûrî Malikî re pêkanîne.

Di vê bêjedana xwe de Roj N. Şaweys da xuyakirin, ku heta niha tenê soz û peyman devokî ne, belê divê ku soz û peyman bine nivîsandin û paşê belgenemeyên fermî.
Roj Nûrî Şaweys weha jî da nîşandan, ku kurd rijd e (bi israr e) ku hukûmeteka hevpişka niştimanî pêk bê û lîsta Eliraqîyye jî, tê de beşdar be.