Nivîsar

Helbıjartınên Parlemana Iraqê,Berdewamîya Şoreşa Kurdıstanêye

Heger em jıbîrnekın ku armaca şoreşa Kurdıstanê,rızgarkırına welat û azadkırna gel bû,dıvê em bızanıbın ku hêşta wekî pêdıvî, ne welatê me Kurdıstan rızgarbûye,ne jî  gelê Kurd azadbûye.Herçende dı encama serhıldana 1991 ê de şoreşa Kurdıstanê bı pêşengîya Partîya Demokrata Kurdıstan û rêbaza netewayetîya Barzanîyê nemır,serkeftıneka gırîng encam da û heta  nıha  gelek destkeftîyên neteweyî yên gırîng jî hatıbın bıdestxıstın jî ,belê dîsan jî şoreş negıhıştîye ewan armancên xwe yên serekî.Bo evê yekê jî dıbêjım eve berdewamîya şoreşêye.

Belê ev qonaxa henê ya şoreşê ne bı şêweyê çekdarîye.Bızava serekî  jı evê qonaxê şêwazên aştîyane û sîyasîye.Jıxwe şoreşa çekdarî  ne bı vîyana Kurda bûye.Ew jı naçarîya Kurda bûye.Paş rûxandına desthılatdarîya dagîrkarîya Saddam û heta nıha delîveyek hatîye pêş ku Kurd bıkarıbın bı şêwazên aştîyane û demokrasîxwaz bejewendîyên xwe yên neteweyî bıdest bıxın û bıparêzın.Heta ku ev hêvî û delîve hebınjî  Kurd dest navêjın çek û şerê çekdarî nakın.

Herweha jî pır pêwîste ku em wekî Kurd,bo ku careka dî naçarî şerê çekdarî,ango şoreşa çekdarî nebın,her çende em pır reng bın jî,belê pır gırînge ku dı evê qonaxêde em bı şêwazên hevçerx û pısporane û bı yek hêzî û yek dengî bızavê bıkın.Belê mıxabın ev metırsî heye jî.Lewra herçıqasî  dı destura Iraqa nû de sîstema federalî  hatıbe danîn û Herêma Kurdıstanê jî wekî dewleteka federal jı alîyê ereban ve hatıbe qebûlkırın û parlemanterên Kurd bınavê Herêma Kurdıstanê jî dı parlemana Iraqê de beşdarîyê jî bıkın,belê aşkeraye ku heta nıhajî kevneşopîya beesîyan û şovenîzma ereban eva henê dı mejîyên xwe de qebul nekırıne û ew bawerîya pêkvejîyanê nedane Kurda.Berovajî,hındî rewşa wan berev aramîyêve dıçın û pîyên wan erd dıgrın ew bêhtır dıjayetîya Kurdan û destkeftîyên wan dıkın.Rewşa Parêzgeha Mûsıl û helwestên parêzgarê wê yên dıjî Kurd û Kurdıstanê evê rastîyê dûpat dıke.Helwestê paşdexıstına  cîbeccîkırına xala 140 jı destûr Iraqê ku Kerkuk û ew herêmên dî yên Kurdıstanê ku hukûmeta Iraqê nevêt vegerın serbı rêvebırîya Herêma Kurdıstanê,îşaretên têkdana peyman û yasayên federalîbûna Iraq û rewşa aramîya Kurdıstanêye.

Lewra ev helbıjartınên parlemana Iraqê yên 7 ê Adarê bo Kurda bı şêweyekî taybetî gırîîng û çarnıvîsazın.Jıber evê çendê jî pır fere ku Kurd bı rêjeyeka pır bılınd beşdarîyê dı evan helbıjartınande bıkın.Bı taybetî jî lı sînorê paarêzgeha Kerkûk,Mûsıl û dormandorê wan û yên dervayî welat.Hındî dengekî zêde hebe dê nûnerekî Kurd lı parlemana Bexda zêde bıbe û eve jî dê destûdarê desthılatdarîya Kurdıstanê lı Bexda qewîmtır bıke.

Jı alîyê dîve jî,herçende ev sîstema helbıjartınan xerab be jî,belê başîyeka wê jî heye.Ew jî  eveye;dı evan helbıjartınande,bıvê û nevê her partîyek dê seng û hêza wê ya cemawerî aşkera bıbe.Jı ber evê çendê jî fere ku gelê Kurd pır bı hûrbînî,dûr jı hest û bîrên eşayîrî û bı hestekî berpırsîyaneya netewayetî ber bı sındoqên dengdanêve bıçın û  ewê lîstê,ewî nûnerî û ewê partîyê bo xwe helbıjêre,ewa ku herwekî dı paşerojêde kırî,dı pêşerojêde jî  bkarıbe û dıkare berjewendî û destketîyên neteweyî bı parêze û armancên şoreşê yên serekî bı çespîne.

Dı evê çarçowêde,bı mın waye şansê Partîya Demokrata Kurdıstanê heye ku dı evan helbıjartınande,bı destxıstına rêjeyeka berbıçav jı dengan,bı hestkırına berpırssîyarîya armanc û stratejîya şoreşê dı hemî bızav û çalakîyên endam û kadırên partî de û bı fedakarî û pıştevanîya gelê Kurdıstanê,dıkare bı sengeka baş beşdarîyê dı parlemana Iraqê de jî bıke û dıkare bo desthılatdarîya xweser ya Herêma Kurdıstanê jî bıbe nûner û bêhtır bıbe cıhê hêvîyên Gelê Kurdıstanê.

Selîm Gıresorî
19 .02. 2010

Back to top button