Helbestek

1
24

120.KURDÎSTANEK TIJE Û TÊR E!

 

Kurdîstanek e  tije û têr e,

Lê mixabin maye ji xelkê re,

Mafê gelê Kurd tev dikin gêre,

Lê ez vî derdî bêjim ji kê re?

 

Çawa ew dizê kadînê kayê,

Sixêfa bikin lîderê dinyayê,

Dîwan teng bû sebra me lê nayê,

Rast  berê me didine belayê.

 

Kurtîlxwer tucar nabin wek mera,

Ser bêndera  dizirin  wek kera,

Ji xwe mestir dibêjin  xebera,

Lê  gazî xêr nakê  li tu dera.

 

Ji mer  pêwîst e lîderek netew!

Ku her wextî pêş neyar hebê ew,

                                                                                                                                                                                                                                                                                                                                             Xebat  nabê bi tilîya û haw haw,

Wek mehîra nekelî û kêm  dew.

 

Heta hûn bikin çewt û çav sorî,

Wê Kurdîstan bibê piç û parî,

Ku li gelê xwe bikin zordarî,

Wê Kurdîstan herê bi yek carî.

 

Barzanî  dibêjê: Kurdîstan e,

Alîyek deşte û yek zozan e,

Warê bav û kalê me Kurdan e,

Ne cîyê Ereb Ecem û Tûrkan e.

 

Ev dijmin  wekî  wan gurê har in,

Ji bê tifaqî lime  siwar in,

Evê neyar em zanin  neyar in,

Kurdno, hûn çima bidijmin re karin?

 

Çi ye ew daxweza Mesûd  Barzan?

Dibêj: Ku hebê Kurd û Kurdîstan,

Ji bo xwe naxwazim text û dîwan,

Bo me  nexşîyek hebê li cîhan.

 

Em çêkin Kurdîstanek serbixwe!

Bo  xweşî û  hebûna  gelê xwe,

Kurd tev lê rûnin bigrin paya xwe,

Wê herkes bibê xwedî mafê xwe.

 

Ev Kurdê ku man  cahîl û nezan,

Lime teng dikin Kurd û Kurdîstan,

Hêvya me maye Başûr û Barzan,

Ewî  ahdek da gelê Kurdîstan.

 

Mala  Barzanî  tevî  lîder in,

Xwedî biryar dîrok û cewher in,

Serkêş in serfiraz û rêber in,

Kurdê esasî bi wan bahwer in.

 

27.7. 2015

Dilciwan Helbest

 

Nêrînek

Nerîna min :