Firokeyên Turkiye Qendîl bombebaran kirin

02/07/2010

Şeva çûyî, firokeyên Turkiye bêtirî deh caran deverên çiyayê Qendîl bi tundî û bi dijwarî bombebaran kirin. Di encama vê bombebarankirinê de ziyan hene, belê hîna nehatine zanîn û agir bi gelek deveran ketiye. Jêderekî ewledarîyê di vê derbarê de ji PNA re da xuyakirin, ku ev bombebarankirina han gelek dijwar bû.

Evî jêderê ewledarîyê ji PNA re da xuyakirin, ku berî sê rojan firokeyeka çavdêrîyê nexşeya van deveran girt û şeva çûyî, firokeyên Turkiye deverên Serûçawe, Bokrîskan, Kozîne û Mêrgesîran bombebaran kirin.

Evî jêderî weha jî da nîşandan, ku hêzên PKK-ê jî gulle diavêtin firokeyên Turkiye.
Evî jêderî got: Vê bombebarankirinê tirsek mezin xist dilê hevwelatîyan de û ji gundên xwe derketin û sê xanîyên hevwelatîyekî ketin ber evê bombbarankirinê de û herifîn, baxçeyê evî hevwelatîyê han jî şewitî.

Yek ji ziyanên dinên ku gihijtin vê deverê ew bû, ku jeneratorekî mezinê vê deverê jî kevt ber vê bombebarankirinê de û ew jenerator, hukûmeta herêma Kurdistanê ji bo xelkên evan deveran danîbû. Di bareya ziyanên giyanî (rûhî) jî de evî jêderî got, ku heta niha ziyanên giyanî nehatine zanîn.

Serdar Qadir / Balekayetî

02/07/2010