Ajansa nûçeyan a Fars a Îranê ragihand ku, Fermandarê Pasdarên Şoreşa Îranê Îbrahîm Mortazavî di êrîşeke asmanî de li başûrê Şîrazê hatiye kuştin.
Di heman demê de, berdevka artêşa Îsraîlê Evî Defrîn got ku welatê wî li bendê ye ku şerê li dijî Îran û Hizbullaha Lubnanî çend hefteyan bidome. Ev şîroveyên berdevka artêşa Îsraîlê di demekê de tên ku şerê li Rojhilata Navîn dikeve roja xwe ya 24an.
Şerê leşkerî di 28ê Sibatê de dest pê kir, dema ku Îsraîl û Dewletên Yekbûyî êrîşeke mezin li dijî Îranê dest pê kirin ku bi sedan kes, bi taybetî jî Rêberê Bilind Elî Xamineyî, kuştin.
Dûv re, di 2yê Adarê de, piştî ku Hizbullah bi fermî ket nav şer, çarçoveya şer berfireh bû û Lubnanê jî di nav xwe de girt. Bersivên Îranê yên li hember êrîşên Amerîka û Îsraîlê herêm xistiye nav krîzeke mezin ku bandor li Iraq, Urdun, Kuweyt, Behrêyn, Qeter, Îmaratên Erebî yên Yekbûyî û Erebistana Siûdî kiriye.
