ENKS: Leşkerkirina zarokan tawaneke şer e

Êvara roja Yekşemê 21.11.2021ê, Rêxistina Ciwanên Şoreşger a girêdayî PYDê sê keçên temen biçûk ji bajarê Amûdê revandin bi armanca tevlîkirina wan di nava milîsên xwe yên leşkerî de.

Navên sê keçên kurdên temen biçûk:

Avîn Celal Xelîl (15 salî)

Ayana Idrîs Îbrahîm (15 salî)

Hadiya Abdel Rahim Antar (16 salî)

Beriya çend salan, vê rêxistinê bi sedan zarokên temen biçûk revandin û lbirin leşkeriyê û ji destpêka îsal ve hejmara van tawanan zêde bûye. Wan dibin nava çekdaran de û 6 mehan dewreyê perwerda leşkerî derbas dikin û di vê heyamê de bi tu awayî nikarin pêwendiyê bi malbatên xwe re deynin.

Encûmena Niştimanî ya Kurdî (ENKS) bi tundî tawan û binpêkirinên vê rêxistinê li dijî gelê me şermezar dike, nemaze di derbarê revandin û leşkerkirina zarokên temen biçûk de, Hêzên Sûriya Demokratîk (HSD) bi tam berpirsyar dibîne. ji bo nehiştina van tawana, berpirsyariya berpirsyarane ku vê hêzş hilweşîne.  Bi taybetî ji ber ku ofîsa “Parastina Zarokan” ku ji aliyê “HSD” ve hatiye avakirin, nikare zarokên revandî li malbatên wan vegerîne.

Hêjayî gotinê ye ku Destûra Dadgeha Tawanan a Navdewletî piştrast dike ku “tezdarkirina zarokan ya mecbûrî an bi dilxwazî” di nav hêz an komên çekdar de tawanê şer e di pevçûnên çekdarî yên navneteweyî û navdewletî de.

Encûmena Niştimanî ya Kurdî herwiha daxwaz ji Netewên Yekgirtî, rêxistinên mafên mirov û mirovî yên pêwendîdar bi parastina mafên zarokan, û hêzên hevpeymaniya navdewletî dike ku erkên xwe bi cih bînin û fişarê li ser “HSD” bikin da ku bi dehan zarokên biçûk ên ku ji aliyê çekdarên Ciwanên Şoreşger ve hatine revandin, vegerînin. Vê rêxistinê û milîsên wê û leşkerkirina zarokan bi awayekî daîmî rawestîne û mafên wan li gorî yasa û peymanên navneteweyî were destnîşankirin û garantîkirin.

Emîndariya Giştî ya Encûmena Niştimanî ya Kurd li Sûriyê

Qamişlo 

24.11.2021

Nerîna min :