Civak

Em di bin çi givaştin û gefan ve destan ji mafên xwe bernadin

Serokwezîrê Herêma Kurdistanê bi minasebeta salvegera Raperîna Adar a 1991ê peyamek ragihand.

Peyam:

Di salvegera 34ê ya serhildana Adara 1991ê ya xelkê Kurdistanê de, ez germtirîn pîrozbahiyan li tevaya Kurdistaniyan û Pêşmergeyên qehreman û binemalên serbilind ên şehîdan dikim.

Yek ji serweriyên mezin ên gelê Kurdistanê ku herdem cihê şanaziya me ye serhildana seranserî ya gelê Kurdistanê ye, ku tevaya pêkhateyên gelê me tevlî wê bûn û ji encamê yekrêzî û hevgirtina gelê Kurdistanê û hêz û aliyên Kurdistanî me karî Herêma Kurdistanê ji stem û dagirkirinê azad bikin û ji encamê hilbijartineke azad û demokrasî jî, Perleman û Hikûmeta Herêma Kurdistanê peyda bûn.

Îro ku em vê serhildana mezin û şkodar li bîr tînin, ji her demekê zêdetir pêdivîtiya me bi yekrêzî û hevhelwestiyê li ser berevanîkirina ji qewareya destûrî û dezgehên qanûnî û destûrî yên Herêma Kurdistanê û wan destkeftiyên bi xebat û qurbanîdan û canfedayîya Pêşmergeyên qehreman û xwîna geş a şehîdên me yên serbilind bi dest ve heye, ku mistehîl e xelkê Kurdistanê di bin çi givaştin û gefekê de destan ji mafên xwe yên rewa berde.

Salvegera serhildana Adara 1991ê şkodar be.

Silav li canê pakij ê şehîdên serhildanê û tevaya şehîdên Kurdistanê.

Back to top button