Diçe Fransayê

Cemîl Silêman wezîrê çandiniyê yê hikûmeta herêma Kurdistanê diyar kir ku, roja 12ê vê mehê dê  Berhem Salih serokê hikûmeta herêma kurdistanê bi serokatiya şandeyekê  serdana Fransa bike û beşdarî konferenseke aborî bibe. 

Wezîrê çandiniyê didaxuyaniyekê de,  ji AKnewsê re got ku,  Berhem Salih dê 12ê serdana Fransa bike û li  Parîsê beşdarî kobferenseke aborî û berhemanînê bibe. 

Silêman got:

– Şandeke hikûmeta herêma Kurdistanê ku, dê digele serokê hikûmetê Berhem salih serdana Fransayê bike ji wezîrê çandiniyê, wezîrê navxwe, wezîrê pîşesazî û bazirganiyê, wezîrê xwendina bilind û serokê desteya berhermanînê ya herêma Kurdistanê pêk tê.

Li dor vî serdana şandeya herêma Kurdistanê abi seroaktiya berhem Salih Parîsê, Xeman Zirar nûnera hikûmeta herêma Kurdistanê ya Fransayê got:

– Şandeyeke herêma Kurdistanê bi seroaktiya Berhem Salih dê serdana Fransayê bike û beşdariyê di konferensa Parîsê de bike. Konferensa Parîsê ku dê du rojan berdewam be û gelek şîrket û kompaniyên fransî tê beşdar bin,  aramanc jê pêşxistina aboriya herêma Kurdistanê  ye

Nûnera hikûmetê got jî ku, ev konferens dê fêdeyeke mezin ji bo Kurdistanê hebe û dê bibe sedema wê yekê ku sermayedar û kompaniyên fransî berê xwe bidin Kurdistanê û sermayeyê xwe li herêma Kurdistanê razînin,

Weke tê zanîn heta nuha nêzîkî 30 şîrketên Fransa li Kurdistanê mijûlî karê berhemanînê ne.