Di civîna hikûmet û parlamentoyê de pirsa budceyê
Nêçîrvan Barzanî serokawezîrê Kurdistanê serdana parlamentoya Kurdistanê kir û digel Arselan Bayîz serokê parlamentoyê civiya.
Di civînê de ku, Hesen Mihemed Sore cîgirê serokê parlamentoyê, Firset Ehmed sekreterê parlamentoyê, Seid Zalid wezîrê herêmê bo karûbarên parlamentoyê, Sefîn Dizeyî berdefkê hikûmeta Kurdistanê û hukmareke rawêjkarên hikûmetê û parlamentoyê amade bûn, têkeliyên navbera her du seroaktiya hatin nirxandin û biryar hat danin ku, her meh carekê her du serokatî bicivin.
Di civînê de tekîd li ser hevahengiya di navbera kêmisyonên parlamentoyê û wezaretên hikûmetê de, bi taybetî bersivdana pirsên parlamenteran, hat kirin. Di vê çarçoveyê de serokêwezîrê Kurdistanê got:
– Hikûmeta herêma Kurdistanê biryar daye ku, wezaretên peywendîdar û komîteyên peywendîdar bi awayekî peryodîk bicivin. Komîteyên nav parlamentoyê têbînî li ser pirojeyan hene û divê wezaret wan têbîniyan bi giringî werbigirin.
Mijareke din a civînê pirsa budceya herêma kurdistanê bû ku, berî heyamekî hikûmeta herêma Kurdistanê budceya sala 2013ê amade kiribû û ji parlamentoya Kurdistanê re şandibû. Serokê parlamentoyê got ku, roja çwarşemiya bê dê budceya herêma Kurdistanê a sala 2013ê li parlamentoya Kurdistanê bê minaqeşekirin.
