Daxuyaniya Rudaw

Peyamnêrê Tora Medyayî ya Rûdawê, Pêşewa Behlewî, îro (13.01.2014) danê sibê ji aliyê komek çekdar ve li bajarê Qamişlo hat girtin. Pêşewa di heyama karê xwe de bi awayekî profesyonel nûçe û wêneyên Rojavayê Kurdistanê veguhestiye ji ber wê jî ti hêcetek bo girtina wî nayê qebûlkirin.

Tora Medyayî ya Rûdawê bi tundî vî karî metirsîdar şermezar dike û berpirstiya parastina jiyana wî rojnamevanî dixe stûyê rayedaran li Rojavayê Kurdistanê û hêvîdar e ew sozên ku bo berdana wî hatine dayîn, bicîh bên.

Rûdaw niha bi saziyên navdewletî yên taybet bi parastina mafên rojnamevanan re di pêwendiyê de ye û hemû dost û hevalên xwe li seranserê cîhanê ji rewşa rojnamevanê girtî agahdar kiriye.

Rêvberiya Tora Medyayî ya Rûdawê

Hewlêr-Başûrê Kurdistanê

13/01/2014

Nerîna min :