Polîtîk

PÊLKURD, PSK, PWK, VEJÎN Û KESAYETÎYÊN SERBIXWE LI ÎZMÎRÊ KONFERANSEK LI DAR XISTIN Komîsyona Hewldana Konferansa Yekîtîya Neteweyî ya Bakurê…

Nêçîrvan Barzanî, Serokê Herêma Kurdistanê, pêşwaziyê li şandeke bilind a serbazî ya Iraqê kir ku bi serokatiya Ferîqê Yekem ê…

Serokê Hikûmeta Herêma Kurdistanê Mesrûr Barzanî îro pêşwaziya şandeka serbazî ya Iraqa federal bi serokatiya Serdarê Artêşa Îraqê Ebdulemîr Yarelah…

Komîteya Navendî ya Partiya Demokrat a Kurdistanê (PDK) bi Serokatiya Serok  Barzanî civiya. Di civînê de bûyerên dawî yên herêmê û mijara meaşên karmendan hatin gotûbêjkirin. PDKyê piştgiriya xwe ji bo Serokwezîrê nû yê Îraqê Elî Zeydî eşkere kir. Civîna berfireh a Komîteya Navendî ya PDKyê îro bi beşdariya Alîkarên serok, endamên komîteyê û berpirsên liqan hat lidarxistin. PDKyê piştî civînê daxuyaniyek belav kir û encamên civînê bi raya giştî re parve kirin. Bandora şerê Amerîka û Îranê PDKê ragihand ku şerê Amerîka û Îranê  zerereke mezin daye Kurdistanê. Di daxuyaniyê de hat diyarkirin ku tevî agirbestê jî êrişên mûşek û dronan ên li ser Herêma Kurdistanê didomin. Di encama van êrişan de gelek kes şehîd û birîndar bûne û zerereke mezin a madî çêbûye. Her wiha ji ber êrişên li ser şirketên petrolê binesaziya enerjiyê zerer dîtiye û hilberîna petrolê rawestiyaye. PDKyê destnîşan kir ku ev yek hem ji bo Herêma Kurdistanê hem jî ji bo Îraqê ziyaneke mezin e. Piştgiriya ji bo Elî Zeydî Komîteya Navendî ya PDKyê anî zimên ku wan ji bo çareserkirina pirsgirêkan û dabînkirina meaşan tim rêya diyalogê hilbijartiye. PDKyê eşkere kir ku ew piştgiriyê didin kabîneya nû ya bi serokatiya Elî Zeydî. Ew hêvî dikin ku peymana li gel Çarçoveya Hevahengiyê were bicihkirin û meaşên karmendan di dema xwe de werin şandin. Her wiha PDKyê da zanîn ku ew piştgiriyê didin pêngavên Serokwezîrê Îraqê yên ji bo rûbirûbûna gendeliyê û vegerandina samana welêt. Destpêşxeriya Serok Barzanî Di civînê de behsa destpêşxeriya Serok Mesûd Barzanî ya di Cejna Qurbanê de jî hat kirin. PDKyê eşkere kir ku ji bo bicihkirina vê destpêşxeriyê komîteyekê dest bi dan û standinên bi aliyên siyasî re kiriye. Armanc ew e ku dawî li asêbûna siyasî ya li Herêma Kurdistanê were anîn û pirsgirêk li ser maseya diyalogê werin çareserkirin.…

Polîtbîroya Partiya Demokrata Kurdistan – Sûriya PDK-Sê di nameyekê de tekezî li ser berdewamiya kar ji bo dîtina çareseriyên siyasî…

Nûnerê Taybet ê Serokê Amerîkayê bo Sûriye û Îraqê Tom Barrack serdana Hewlêr û Bexdayê dike, daku ji bo çekdanîna…

Serok Barzanî pêşwaziya Serokê Partiya Sosyal Demokrat a Kurdistanê Mihemedê Hacî Mehmûd kir û pê re rewşa navxweyî ya Kurdistanê…

Serokê Giştî yê Partiya Karkerên Tirkiyeyê (TÎP) Erkan Baş li ser hilbijartinên serokkomariyê û tifaqa bi DEM Partiyê re daxuyaniyên girîng dan. Erkan Baş di hevpeyvîneke xwe ya bi T24ê re de eşkere kir, dibe ku DEM Partî bixwaze bi namzedekî ku zimanê wî yê zikmakî Kurdî ye derkeve pêşberî xelkê û got, “Dibe ku em li ser vê yekê li hev nekin.” Erkan Baş li ser tifaqa bi DEM Partiyê re û hilbijartinên serokkomariyê wiha axivî: “Bi nêrîna min vê carê em ber bi pêvajoyeke bi gelek namzedan ve diçin. Divê em li wir nîqaş bikin ka em dikarin li dora kîjan bernameyê namzedên hevpar derxin. Gelo em dikarin li ser vebijêrkeke li gorî bernameya me li hev bikin? Li vir tercîha DEM Partiyê dê çi be? Wekî mînak, ez dikarim daxwaza wan a bi vî rengî fêm bikim: Dibe ku bixwazin bi namzedekî ku zimanê wî yê zikmakî Kurdî ye derkevin. Dibe ku em li ser vê yekê li hev nekin. Ev mijar tên axaftin.” Erkan Baş her wiha destnîşan kir ku ew wekî TÎP ji bo îhtimala ku bi serê xwe û bi namzedên xwe beşdarî hilbijartinan bibin amadehiyê dikin. Baş daxuyaniya xwe sererast kir Ev gotinên Erkan Baş bûn sedema bertekan û li ser vê yekê daxuyaniyeke nû belav kir û gotinên xwe sererast kirin. Erkan Baş di daxuyaniya xwe ya sererastkirinê de anî ziman: “Mebesta min ji îfadeya, ‘namzedê ku zimanê wî yê dayîkê Kurdî ye’ ev bû: Dibe ku dostên me yên DEM Partiyê nêzîkatiyekê nîşan bidin ku tenê Pirsgirêka Kurdan wekî rojeva yekem dibîne. Ez nabêjim dê wilo be lê ev îhtimalek e û tercîha wan e. Di rewşeke wiha de, çawa ku tercîha wan rewa ye, tercîha me ya li gorî xeta me jî ew qasî rewa ye.” “Etnîk ne girîng e” Serokê TÎPê li pey çû û ragihand ku ji bo wan nijada namzed ne girîng e û wiha got: “Wekî din, ji bo me û partiya me qet ne girîng e ku namzedekî hevpar ê ku bi awayekî giştî nêzîkî pirsgirêkên Tirkiyeyê dibe, ji kîjan etnîkê be; Kurd, Tirk, Laz, Çerkez an jî Ereb be. Ti girîngiya vê yekê ji bo me nîne.” Têkoşîna li dijî desthilatê…

Komîteya Birêvebiriya Navendî ya ku bi biryara dadgehê li şûna birêvebiriya navendî ya CHPyê hatibû erkdarkirin, biryara derxistina 9 parlamenteran da. Ev komîte wekî baskê Kemal Kiliçdaroglu tê naskirin. Serokê Koma CHPyê Ozgur Ozel bi daxuyaniyeke tund bertek nîşanî vê hewldanê da. Birêvebiriya Serokê Giştî yê CHPyê Kemal Kiliçdaroglu ya ku bi biryara dadgehê li ser kursiyê birêvebiriya CHPyê rûniştiye, pêvajoya derxistinê da destpêkirin. Wê birêvebiriyê 9 parlamenterên CHPyê şandin Komîteya Dîsîplînê ya Bilind. Di nav wan 9 parlamenteran de 4 endamên Meclisa Partiyê û 2 alîkarên serokê komê jî hene. Birêvebiriyê bi awayekî “tedbîrî” daxwaza “derxistina teqez” a wan parlamenteran kir. Ozgur Ozel li hemberî vê biryarê bertekeke tund nîşan da û got: “Yên ku rewatiya wan nîne û bi destê AK Partiyê bi awayekî bêyî hukim hatine erkdarkirin, nikarin li ser kursiyê Serokatiya Giştî ya CHPyê rûnên. Ev birêvebiriya betal a ku ji bo parastina desthilata Erdogan hatiye erkdarkirin, dixwaze bi awayekî derqanûnî 9 parlamenterên me ji partiyê dûr bixe.” “Dê di rûpelên şermê de cih bigirin” Ozgur Ozel anî zimên ku dê navê kesên xwedî li demokrasiyê derdikevin bi tîpên zêrîn were nivîsandin û wiha pê de çû: “Lê yên ku dest danîne ser vînê û bi tirs gavan diavêjin, dê tenê di rûpelên şermê yên dîrokê de cih bigirin. Em dê nehêlin ku ti kes destê xwe dirêjî ‘Mala Bavê’ bike. Em dê heta dawiyê xwedî li vîna endam û kedkarên xwe derkevin. CHP ne partiya wan kesan e ku ji Qesrê fermanan werdigirin, CHP partiya têkoşerên bedêldayî ye.” “Ev hewldaneke derbeyê ye” Ozel destnîşan kir ku parlamenterên wan bi dengê gel hatine hilbijartin û tenê gel dikare wan ji erkê wan dûr bixe. Ozgur Ozel di dawiya daxuyaniya xwe de xwe de wiha got: “Kesên tayînkirî nikarin di hundirê partiyê de ‘CHPyeke paralel’ ava bikin. Ev hewldana derbeyê dê pûç bibe. CHP dê ne bi destê ‘tayînkiriyan’ lê bi vîna azad a endamên xwe bi rê ve biçe.”

Serok Barzanî pêşwaziya Serokê Partiya Pêşerojê û Serokwezîrê Berê yê Tirkiyeyê Ahmet Davutoglu kir û pê re rewşa siyasî, guhertinên…

Îro di parlementoya Tirkiye de civîna fraksiyona CHPê ya hefteyî heye. Ji aliyekî ve wek serokê CHPê yê ji aliyê…

PÊLKURD, PSK, PWK, VEJÎN Û KESAYETÎYÊN SERBIXWE LI QOSERÊ KONFERANSEK LI DAR XISTIN Komîsyona Hewldana Konferansa Yekîtîya Neteweyî ya Bakurê…

Cîgirê Parêzgarê Hesekê û Berdevkê Tîma Serokatiya Sûriyê Ehmed El-Hîlalî ragihand ku gavên mezin ji bo çalakirina dezgehan hene û…

Serokê Hikûmeta Herêma Kurdistanê pêşwaziya Cîgirê Wezîrê Derve yê Yewnanê kir û di hevdîtinekê de her du alî li ser…

 Partiya Azadiya Kurdistanê (PAK) eşkere kir ku bi dronekê baregeha wan a li parêzgeha Hewlêrê hatiye bombebarankirin. Endamê Serkirdayetî û Berpirsê Pêwendiyan ê Partiya Azadiya Kurdistanê (PAK) Edîb Xalîdiyan ji Tora Medyayî ya Rûdawê re got: “Bi drona Şahid 136 a Îranê, demjimêr 07:56ê vê sibehê em hatin bombebarankirin. Baregeha me ya Çemşarê ya li nêzîkî nahiyeya Dareşekranê hat bombebarankirin. Zerereke mezin a madî gihîşt baregeha me lê kes nemir.” Li Akrê 2 dron hatin xistin Her wiha îro li nahiyeya Bicîlê ya navçeya Akrê ya parêzgeha Dihokê êrişeke dronî hat pûçkirin. Birêvebirê nahiyeya Bicîlê Beşar Mihemed ji Rûdawê re got: “Du dron ji aliyê balafiran ve li esman hatin teqandin û parçeyên wan li gundên Guzar û Ziravokê ketin.” Li ser zererên wê bûyerê, birêvebirê nahiyeyê diyar kir ku ti zererên canî û madî çênebûne. Êrişên li partiyên Rojhilatê Kurdistanê didomin Tevî ku 8ê Nîsanê agirbesta şerê Amerîka û Îranê hat ragihandin jî, êrişên Îranê yên li baregehên partiyên Rojhilatê Kurdistanê didomin. Tenê meha borî bi dron û mûşekan 21 êriş li partiyên Rojhilatê Kurdistanê hatin kirin.