Serokê Kurdistanê Barzanî û Serokkomarê Iraqê Celal Talabanî, li avahiya Mekteba Siyasî YNK ya li bajarê Hewlêra paytexta Herêma Kurdistanê civiyan.
Li vê civînê de ku Dr Berhem Ehmed Saleh Cîgirê Sekreterê Giştî yê YNK amade bû, her du Serok Barzanî û Serok Talebanî, di derbarê çendîn meseleyên pêwîst bi pêvajoya niha ya Iraqê li ber ronahiya pêhatên dawî û rudawên siyasî guftûgo kirin, bi taybetî ev qeyrana ku li navbera her du asta Iraqî – Iraqî û Herêma Kurdistanê – Hikûmeta Federal de heye.
Li vî derbarî de her du Serok dîtin û nêrînên xwe de yek bûn ku hemû kêşe û girift divê li rêya diyalog û guftûgoyên eşkereyê birayane û binyatner li çarçêweya peymanan bi taybetî peymana Hewlêr û madde û birgehên destur û hevsengiyê da bêne yekalî kirin. Her wiha berev çareseriyeke bingehîn û ji holê rakirina wan hemû kêşe û astengiyan ku dirûst dibin.
Li vê civînê de her du alî dupat li ser bi lezgînî çareserkirina kêşeyan û danîna bername û projeyekî hevbeşa nîştimanî û demokrasiyê kirin ku bi armanca temamkirina pêvajoya siyasî û demokrasiya li binyatnana dewleta qanun û xizmetguzariya li Iraqê da hemû alî li ser razî bibin û rêkbikevin.
Di derbarê Herêma Kurdistanê jî Serok Mam Celal û Serok Barzanî tekez li wê yekê kirin ku ji bo berqerarbuna aramiya Herêmê û parastina destkeftan û pêkanîna wan armanc û daxwazên gelê me pêwîste aramiya Herêmê her bi parastî bimîne û dirêjiyê bi karê hevbeşa di navbera aliyan de bide ku heta niha pêknehatine û li desturê da hatine selmandin yek ji wan jî vegerana navçeyên veqetandîne.
Eve jî dupatkir ku kûrkirina hevpeymaniya stratejiya di navbera Partiya Demokrata Kurdistanê û Yekîtiya Niştimaniya Kurdistanê li berjewendiya hemu aliyek daye û asayîş û aştiya li Herêma Kurdistanê zêdetir xurt kiriye rengdaneke wê li seranserê Iraqê de heye. Her wiha piştevaniyê li pêgeh û giraniya Kurd ya li Bexda jî dike.
