Barzanî: Iraq ji wateya dewletbûnê dûr ketiye

Berî nîvroya îro pênçşem 13.03.2014 li Selahedîn birêz Mesûd Barzanî Serokê Herêma Kurdistanê pêşwaziya Edward Oakden Birêveberê Beşa Rojhilata Navîn û Bakûrê Efrîqa li Wezareta Derveya Brîtanya û şanda li gel kir ku ji Balyozê Brîtanya li Iraq û Konsolê Giştî yê Brîtanya li Hewlêr pêkhatibû.

Di destpêka hevdîtinê de Birêveberê Beşa Rojhilata Navîn û Bakûrê Efrîqa li Wezareta Derveya Brîtanya ji bo pêşwazî û rexsandina vê hevdîtinê spasiya Serok Barzanî kir û di destpêka axaftina xwe de sersamiya xwe bi pêşketin û geşbûna Herêma Kurdistanê derbirî. Her wiha balkişand li ser pêvajoya nebaş a emnî û siyasiya Iraqê kir û ragihand ku Brîtanya bi pêwîstî dizanê hemû aliyên Iraqiyan li birêvebirina welat de beşdar bibin û nabê tu aliyek bê piştguh xirstin. Eve jî bi fakterê serekiyê aramiya Iraqê da zanîn. Her wiha gumana xwe jî li zêdebûna êrîş û tehdîdên terorîstên li Iraq û navçeyê derbirî û ragihand ku pêwîste hemû aliyek hevkar bin ji bo rûbirûbûna tehdîdên teror û wan tehdîdên ber bi rûyê navçeyê tên. 

Birêveberê Beşa Rojhilata Navîn û Bakûrê Efrîqa li Wezareta Derveya Brîtanya li beşekî dinê axaftina xwe de balkişand li ser rola ber bi çavê Herêma Kurdistanê ya li hewandina penaberên Sûriye û koçberên navxweya Iraqê û spasiya welatê xwe ya ji bo Herêma Kurdistanê derbirî.

Li beranber da Serok Barzanî bi germî bi xêrhatina şanda mîhvanan kir û di derbarê pêvajoya emnî û qeyrana siyasiya Iraqê û her wiha kêşeyên di navbera Hewlêr û Bexda Serok Barzanî balkişand li ser wê yekê ku binpêkirina destûr çavkaniya serekiya kêşeyên Iraqe, encama wê jî ewe bûye ku Iraq li wateya dewletbûnê dûr bikevê û xizmetguzarî û asayîş û jiyana damezraweyî ji bo welat neyê dabîn kirin. Her wiha Serok Barzanî ragihand Iraqa nû li ser bingeha şeraket hatiye damezrandin ku Bexda destûrê piştguh dixe û wekî şerîk temaşa Herêma Kurdistanê nake, lê belê gelê Kurdistanê qurbaniyekî zêde bi navê azadiyê da bexşiye û rê nade carekî din wekî paşko û pêvek muamele li gel da bê kirin. 

Pêvajoya siyasiya navçeyê û pêşhatên dawî ya Sûriye mijareke dinê vê hevdîtinê bûn.

Nerîna min :