Balafirên şer ên Îsraîlê li Sûriyeyê 17 êrîşên hewayî pêk anîn

Balafirên şer ên Îsraîlê li parêzgeha Deraa ya li başûrê Sûriyeyê êrîşên esmanî bir ser gelek bingehên leşkerî de pêkanîn.

Li gor agahiyên ku ji çavkaniyên herêmî hatin hildan, balafirên Îsraîlê êrîşî Tûgaya 12emîn û Alaya 89an a li Cebeb û Îzrayê yên li bejahiya parêzgeha Derayê kirin.

Hate hînbûn ku di êrîşê de 17 êrîşên hewayî hatine kirin û alavên leşkerî hatine hedefgirtin.

Piştî ku di 27’ê Mijdara 2024’an de li Sûriyeyê şer giran bû, êrîşên artêşa Îsraîlê yên li ser vî welatî hemwext bi rûxandina rejîma Baas a 61 salî di 8’ê Kanûnê de zêde bûn.

Artêşa Îsraîlê dest bi wêrankirina binesaziyên leşkerî û navendên leşkerî yên ji aliyê artêşa rejîmê ve hiştibûn, kir û kontrola xwe ya li Girên Golanê yên Sûriyeyê berfireh kir.

Artêşa Îsraîlê piştî ku derbasî herêma tampon a li derdora Girên Golanê bû, 25 kîlometre dûrî paytext Şamê bû.