Bahçelî telefonê Turk jî kir: Hêvîdar im her tişt baş bibe

Hat ragihandin ku Serokê Giştî yê MHPê Devlet Bahçelî telefonî Şaredarê Bajarê Mezin ê Mêrdînê yê berê Ahmet Turk kiriye û gotiye, “Hêvîdarim her tişt baş bibe.”

Nivîskarê Halk TV Îsmaîl Saymaz li ser hevdîtina xwe ya bi Ahmet Turk re nivîsî. Saymaz diyar kir ku Ahmet Turk ev îdiaya muzakereyê red kir û got, “Ev ne tiştên ku bên bazarkirin, gavên ku divê bên avêtin in.” Gotara Saymaz bi kurtî wiha ye:

Dê çi bibe birêz Ahmet?

Divê kongre xwe fesih bike. Ji niha û pê ve divê ji bo xurtkirina biratî û dostaniya dîrokî ya Tirk-Kurd gav bên avêtin. Ger ez li Sûriyê bûma, min ê di navbera kurdan û rêveberiyê de navbeynkarî bikira. Ez ê tevkariyê li avakirina sîstemeke demokratîk li wir bikim. Ji ber ku gava pirsgirêkek li wir çêbibe, dibe ku dîsa rewşên tengahî çêbibin. Eger Tirkiye siyaseteke berfireh bimeşîne, wê biratiya Tirk-Kurd a hezar salî xurt bike û bibe dewleta herî bi hêz a Rojhilata Navîn.

Piştî daxuyaniyê Sirri Sureyya Onder amaje bi Ocalan kir û got, “Destjêberdana çekan û hilweşandina PKK’ê pêwîstî bi naskirina siyaseta demokratîk û aliyê hiqûqî heye.” Divê em ji vê hevokê çi fêm bikin?

Li vir divê li ser navê demokrasiyê hin gav bên avêtin û hin rêzikname bên çêkirin.

Ev çi ne?

Tiştên ku dê civakê rehet bike. Îro bi hezaran kes bi neheqî û bêhiqûqî di zindanan de ne. Divê derdorek ku zimanê kurdî bi azadî pêş bikeve bê çêkirin. Di derbarê avakirina Tirkiyeyeke pirçandî de… Hinek jê re dibêjin bazar. Ev ne tiştên ku werin muzakerekirin, yên ku divê biqewimin in, gavên ku divê werin avêtin in.

Çima ew not di nivîsê de cih negirt û çima ji hev cuda hat gotin?

Bi texmîna min dema ku Ocalan got, me nivîs amade kiriye, em nikarin vê lê zêde bikin, got, “Ev girîng e, divê were zanîn.”

Rayedarên hikûmetê ku gotin “em nikarin”?

Ew ê din kî be?

Her wiha wêneyek jî hate kişandin.

Belê, lê me 50 wêne kişandin; yek bi yek li gel Ocalan û hinek bi hevre tevatî.

Vîdyo bi we re nehat parvekirin, ne wisa?

Na, nehat parvekirin.

Hûn ê dîsa biçin Îmraliyê?

Helbet ger mimkun be ez ê biçim.

Çend sal di ser hevdîtina we re bi Ocalan re derbas bûn?

Me di salên 1992-93’an de hev dît.

Ma tu bi Bahçelî re axivî?

Piştî daxuyaniyê Bahçelî telefonî min û Tuncer Bakirhan kir. Wî got ku ew pir xweş bû û spasiya min kir. “Em hêvî dikin ku her tişt baş bibe, ez ji ber vê yekê pir kêfxweş im,”

Te çi hîs dikir?

Em çi hîs dikin ne girîng e. Pêwîste hewldanên me bên nîşandan ku pêvajo baş dimeşe. Pêwîste bi partiyên siyasî, rêxistinên civaka sivîl û hêzên demokratîk civakê amade bike. Pêdiviya Tirkan bi Kurdan heye, Kurdan jî bi Tirkan re lazim e. Divê her kes bi mantiqeke wiha tevbigere.