Apple ji ber binpêkirina nepenîtiyê di doza “Siri” de dê 95 mîlyon dolar bide

Apple qebûl kir ku di doza binpêkirina nepenîtiyê ya li dijî Siri ku di sala 2019-an de hatî vekirin de lihev bike û dê 95 mîlyon dolar bide.

Doza navborî bi îdiaya ku “Siri” bê mebest dikare were aktîfkirin û axaftinên tomarkirî yên bikarhêneran bêyî destûra wan bi aliyên sêyemîn re hatine parve kirin, hat vekirin.

Tevî ku Apple sûcdarî red kir, ew razî bû ku 95 mîlyon dolar bide.

Li gorî hûrgiliyên peymanê, kesên ku cîhazên bi Siri-ê yên wekî iPhone û Apple Watch bikar bînin, dê bikaribin ji her amûrekê heta 20 dolaran drav bistînin. Tê texmîn kirin ku zêdetirî 10 mîlyon mirov dikarin ji hewza lihevhatinê sûd werbigirin.

Hîn hûrgiliyên çawaniya dayîna mûçeyan nehatine eşkerekirin, lê tê çaverêkirin ku piştî rêkeftin bi fermî were encamdan, hûrgilî eşkere bibin.