Amerikayê du keştiyên Îranê kirin armanc..
Fermandariya Navendî ya Amerîkayê (CENTCOM) diyar kir ku,”Artêşa Amerîkayê du keştîyên ku hewldan dorpêça li Kendava Omanê binpê bikin kirin armanc.”
Di daxuyaniyê de her wiha hate destnîşankirin ku heta niha 50 keştî hatine paşve xistin, û 73 tankerên petrolê nekarîne bi tevahî 166 milyon bermîl petrola Îranê veguhezînin. Aliyê Amerîkî îdîa kir ku vê rewşê zêdetirî 13 milyar dolar zirar daye aboriya Îranê.
Piştî van geşedanan, daxuyaniyek girîng ji Îranê hat. Ajansa Nûçeyan a nîv-fermî ya Fars ragihand ku di navbera Hêzên Çekdar ên Îranê û hêmanên Amerîkî de li Tengava Hurmuzê pevçûnek çêbûye.
Ev geşedan, ku di demekê de çêdibin ku agirbesta li herêmê lawaz dimîne, nîşan didin ku rageşiya li Rojhilata Navîn dikare dîsa zêde bibe.
Berdevkê Wezareta Derve ya Îranê Îsmaîl Bekayî diyar kir ku Tehran hîn jî pêşniyara Amerîkayê ya ku armanc dike dawî li şer bîne dinirxîne û piştî ku biryarek dawî were dayîn dê helwesta xwe eşkere bike û got, “Di derbarê danûstandinan de, pêşniyar tê lêkolînkirin, û bê guman em ê dema ku em bigihîjin encamek dawî eşkere bikin.”
