AK Parti ber bi kû ve diçe

Dema hilbijartinên hezîrana 2011-ê Ak Parti gelek behsa demokratikbûna Tirkiye û di vê çerçovê de jî çareserkirina pirsa kurd û pêkanîna destûrek nû dikira. Lê Ak Partiyê dema behsa van guhertina dikira, behsa hinek astengan jî dikir. Ev asteng wek hinek dezgehên dewletê yên statukoparêz bûn.

Ak Partiyê kurd jî di nav de pişgiriya xelkê ji % 50 deng wergirtin û bû desthilat. Ev cara sêyeme Ak Partî dibe desthilat. Ak Partiyê gelek guhertinên girîng pêkanîn, gelek ji dezgeh û xelkêk li dijê van guhertina sekinîn û dijitiya Ak Partiyê kirin. Gelek ji xelkê jî pişgiriya guhertinên ku pêkdihatin dikiran.

Ji aliyê kurdan ve jî piranî pişgiriya guhertina hat kirin û hêviyên kurdan jî ji bo pekanîna demokrasiyê gelek hebû. Raste beşek ji kurdan di rêya guhertinan de hinek asteng pêkanîn yan jî mirov dikare bêje ku pişgiriya pêwîst ji bo guhertinên dihatin kirin nedan hukumetê û vê yekê jî hêcetek kir di destê Ak Partiyê de. Serokwezîrê Tirkiye Erdogan gelek caran behsa vê yekê dike û hêceta ku ketî di destê wî de bi awayekî kar tîne.

Piştî hilbijartina siyaseta Erdogan hate guhertin. Di aliyê leşkerî û dezgehên dewletê de wek dadwerî û yên din de hinek guhertin çêbibên jî, di derbarê pirsa kurd de siyaseta Erdogan hate guhertin.Gavên bi hêdî jî dihatin avêtin sekinandin û tu gavên nû neavêtin.

Niha şûna siyaseta diyalogê û gotubêjê dewlet siyaseta tundî û tujiyê li dijê kurda û taybetî li dijê BDP/KCK kar tîne. Dewlet operasyonên berfireh yên leşkerî li herêmê dike. Di demekî ku PKK çelakiyên çekdarî sekinandî ev operasyonên ji aliyê dewletê ve tên kirin, jiyana kurdan li herêmê gelekî nexweş kiriye. Ji aliyek din bi sedan kes di çerçova operasyona KCK-ê de hatin girtin. Gelek rojnemevan di vê çerçovê de di girtîgehan de ne.

Bûyera komkujiya Robiskê cardin pirsa weseyeta leşkerî anî rojevê û ev yek bû sedemê gotubêjekî nûjen di pêwendiyên hukumetê û leşkeran de. Berê dema ji aliyê leşkeran ve tiştek dihat kirin, dihat zanîn ku hukumet nikarê bandorê li ser siyaseta leşkera bike. Lê niha ne welê ye, siyasete leşkera wek ya Erdogan tê nirxandin û Erdogan bi xwe jî pişgiriya siyaseta leşkera dike û wan diparê ze.

Piştî bûyera Roboskê girtina serfermandarê kevin Başbug wek manewrayeke bû. Lê ji bo çi û dijê çi nayê zanîn.
Bûyera komkujiya Robiskê bû xeleka şkinandina baweriya xelkê ku pişgiriya Erdogan û Ak Partiyê dikira.

Ew kesên doh pişgiriya siyasete guhertina Ak Partiyê dikiran îro siyaseta vê partiyê û rewşa Erdogan  rexne dikin, lê hêjî hêviyek heye ku Ak Partî ji vê siyaseta çewt û bi tundî rêve dibe vegere. Herweha Ew kes û dezgehên ji bo guhertina bi tundî dijitiya Ak Partiyê dikiran îro pişgiriya siyaseta tundiya hukumetê dikin. Ev yek bi tenê dikare bibe pîvanek ku ne li ser rêya rast e.

Hêjî bi temamî kurda hêviyên xwe winda nekirine, Ak Partî  di vê pêvajoya guhertina destûra bingehîn de guh bide pêşniyar û dengê kurda û li gora vê jî di destura nû de kurd xwe bibînin, dê li Tirkiye gelek tişt bêne guhertin. Hingê ev dibe ispata ruxandina siyaseta dewletê ya stukoparêst û bi awayekî. Dê ev yek  Tirkiye berbi demokrasiyê ve bibe û pirsgirêkên kurdan jî di warek demokratîk de, bi rêya diyalogê bête gotubêjkirin.

Dema şer, tundî û tujî nemîne dê xelk  bêhtir bi mejîyek azad bikaribe li bûyeran binêre û  bibe xwedî helwestek akilane. Operasyon, şer, dengê tifengê bandorê li ser hemû nêrîn û fikra azad dike û ew deng serdeste.

Heta pirsa kurd bi awayekî li Tirkiye çareser nebê demokrasî li vî welatî çênabe. Rêya demokrasiyê li Tirkiye pirsa kurd re derbas dibe.

15.01.2012
Dara Bilek

Nêrînek

  1. Xwezî siyasetmedarên me bi qasî demekê derketine bêhnvedanê. Dê rewsha gel bashtir bibe.\n\nHûn pesnê AKPê bidin, di nava gel de shîrîn bikin, gel dengê xwe bide wan, bi pakêtên pêshîvekirinê bixape… \n\nÛ werin bêjin, bawerî bi AKPê nabe.\n\nBo cenabê we nabêjim, mixabin pirraniya ronakbîrên me, pirtûkan naxwînin. Bi shablonan dijîn. Diceribînin, bi hestên xwe tevdigerin.\n\nMazoshîsht in hinekê, kê bibînin bêî lavakirin û girînê nikarin derdê xwe bêjin.\n\nÎsa Pêxember: “Tovê bash, li axa bash”.\n\nMarx: “Îradeya taybet, li îradeya camidî (heyberî, wanekî)”.\n\nBerxê chê, heger koz nebin, ji chi re ne.\n\nAKP kê ye? Tirk-Îslama serdema kapîtalîzmê, înternetê ye. Qumash ev e. AKP toveke bash e yan axa lê ye ango Tirkiye bash e? Du bashî gihîshtibên hevûdu berhem bash dibe.\n\nJi vê qumashê sharezayî, zanistî, humanîzm, estetîk, huner, kûltûra demokrasiyê ûêd helbet dernakeve.\n\nRonakbîrên me analîzan nakin, stratejiyan nizanin, sherê psîkolojîk bash nizanin, fîlozofî, dîroka dewletê hwd nizanin. Naxwînin, pirr dinivîsînin. Fêr nabin, pirr diaxivin.\n\nAngashtên komployê bi xweshî me diche. Ji xwe re dikevin cîhana paranoyayê. Geh di bin de tiliya cihûyan dibînin, geh Amerîka yan Rûsyayê.\n\nDewlet perwerdeya bi zimanê kurdî qebûl nake. Bes dersên hilbijarî kurdî qebûl dike. Ma hûn xetên sor ên dewletê nasnakin?\n\nDewlet, gubehên xwe yên berê makyaj dike. Generalên malnishînîbûyî û extiyar, Kenan Evrenê 90 salî, chend tetikkêsh.. Wisa dosyayan digire.\n\nDersimê wiha dike: Serîhildanekê nebûye, 13 hezar kurd, hatine kujtin. Kê delîl bîne ku ziyan dîtiye, 1-2 hezar Lîra digire. Cihê meytên wan jî nabêje.\n\nWelleh hûn dewleta tirk nasnakin an jî bi ziravî berevaniya wê dikin. An jî li Bashûrê Kurdistanê atmosfereke pirr optîmîst heye.. Nizanim lê dema zana û siyasetmedarên Bashûr dixwîmin, temashe dikim, cemaetên gund tê bîra min.\n\nHelbet ên bakur jî ji xwe kemalîst in.\n\nHeya stûyê Romê neshikê, Rom nabe û nebûye mirov. Stû jî ne bi darê zorê, bi zpêshengiya zanayên zana dishikê.\n\nSilav û rêz.

Nerîna min :