Gelo raste ku jina duyemin jî hebûye?
Li gor ragîhandina cîgirê serokwezîr Bilind Arinc, jina Evdile Ocalan a duyemîn Meral Kidir e û li axaftina xwe domandiye:
”Di avahiya xwendekaran de sê hevalên nimêjker hebûne; Evdile Ocalan bû serokê PKKê, Durmuş Yilmaz bû serokê Banka Navendî û piştre bû şêwirmendê serokkomar, Yaqub Ince jî bû karsaz. Karsaz Yaqûb Ince gotineke ku heta niha kes pê nehisiyaye gotiye: Ji Kesîre Yıldırım(a keça Ali Yıldırımê serbazê MITê) zêdetir, jineke duyemîn jî a Evdile Ocalan heye û jê kurekî wî yê niha ku 21 salî ye jî heye.”
Li gor ragîhandina rojnameya Turkiyeyê ku rojnamevan Melik Duvakli nivîsiye: ”Navê jina Ocana Meral Kidir e, ji Eskîşehirê ye, yek ji hîmdarên PKKê ye û keça albayekî ye jî. Ev jina Ocalanî di 1990î de ji Beqaayê hatiye Tirkiyê û rêxistinek bi navê DHP (Devrimci Halk Partisi) ava kiriye. Endamên vê rêxistinê kesên rewşenbîr û xuyanî dikuştin. Kuştina Prof. Dr. Bahriye Uçok ji aliyê vê rêxstinê ve hatiye kirin. Endama rêxistinê Gülay Calap, pakêta bombe daye destên Prof. Bahriyeyê û zû ji ba wê çûye, heman jî bombe teqiyaye û Uçok miriye. Li gor belgeyên ku ji Ergenekonê ketine destên sersawcî, piştî ku jina Ocalan hatiye Tirkiyê, gelek caran bi Tuggeneral Weli Kuçur re jî hevdîtin kiriye.”
