“Mesrûr Barzanî li hêviya navên wezîran e”

Endamekî şanda avakirina hikûmeta nû ya Herêma Kurdistanê dibêje serdanên wan bo cem partiyên siyasî bidawî hatiye û niha Mesrûr Barzanî li hêviya navên ku dê partiyên siyasî pêşkêş bikin ji bo nava hikûmetê.

Serokê Frakisyona PDKê di Parlamentoya Kurdistanê de û endamê şanda avakirina hikûmetê Omêd Xoşnaw ji malpera KDP.info re ragihand: “Ew partiyên siyasî yên ku biryar dane tevlî hikûmetê bibin, gotûbêj ligel wan bidawî bûye ji ber ku rêkeftinên siyasî beriya niha bi wan re hatiye kirin û niha Mesrûr Barzanî li hêviya navên kandîdan e, da ku hikûmeta pêşkêşî parlamentoyê bike.”

Xoşnaw wiha got: “Her partiyek navên xwe pêşkêş neke, dê avakirina hikûmetê ji bo wî paş nekeve. Niha em li hêviya CViyan e û beriya ku bêhinvedana havînî ya parlamentoyê di destpêka meha 7an de destpê bike divê hikûmet ji bo parlamentoyê hatibe pêşkêşkirin û hikûmetê bawerî sitendibe. Niha ti rêgiriyek li pêşiya avakirina hikûmetê nemaye.”