Nêçîrvan Barzanî: Ev êrîş li dijî prensîbên cîrantiya baş e

roja 24.03.2026, hêzên pêşmergeyi li sinûrê devera soranê bûne armanca hêrşeka mûşekî ya îranê. di encama vê hêrşê da, 6 pêşmerge şehîd bûn û 30 pêşmergeyên dî jî brîndar bûn.

Peyama Serokê Herêma Kurdistanê derbarê vê êrîşa dijminkarane

Bi tundî wê êrîşa mûşekî ya Îranê şermezar dikin ku îro berê sibehê baregehên Hêza Pêşmerge ya li tixûbê Soranê kirin armanc û di encamê de hejmarek Pêşmergeyên qehreman şehîd û birîndar bûn. Sersaxî û hevxemiyên xwe yên kûr pêşkêşî malbat û kesûkarên serbilind ên şehîdan dikin û em hevxema wan in, herwiha hêviya şîfa û başbûna bi lez ji bo birîndaran dixwazin.

Herêma Kurdistanê her dem faktoreke aramî û ewlehiyê bûye. Em pabendî siyaseta tevlînebûn û dûrketina ji nakokiyan in, û bi ti awayî em ne tehdît in li ser ewlehiya welatên cîran. Loma ev êrîş, destdirêjiyeke rasterast û dijminane ye li ser serweriya welat û tu hincet hilnegire û bi temamî li dijî bingehên cîranîtiya baş e.

Daxwazê ji Hikûmeta Federalî ya Iraqê û civaka navneteweyî dikin ku hewldanên xwe zêdetir bikin ji bo rêgirtina li dubarebûna van destdirêjiyan û parastina serweriya axa Iraq û Herêma Kurdistanê.

Nêçîrvan Barzanî
Serokê Herêma Kurdistanê
24.03.2026