Hejmara qurbaniyên xwepêşandanên li Îranê gihîştiye 2,550 kesan.

Ajansa Nûçeyan a Çalakvanên Mafên Mirovan a Îranê (HRANA) ragihand ku hejmara miriyan di xwepêşandanên ku ji ber pirsgirêkên aborî dest pê kirine de gihîştiye 2,550 kesan.

Raportek ku li ser malpera HRANA ya li Amerîkayê hatiye weşandin, agahdarî li ser xwepêşandanên ku 17 roj in li welêt berdewam dikin, da.

Li gorî raporê, hejmara miriyan ji ber xwepêşandanên li welêt gihîştiye 2,550, di nav de 2,403 xwepêşander (12 ji wan di bin hejdeh salî de bûn) û 147 endamên hêzên ewlehiyê.

Hat gotin ku di bûyerên berdewam de 1,134 kes birîndar bûne û 18,434 kes hatine binçavkirin. Rayedarên Îranê derbarê hejmara mirî an birîndarên di xwepêşandanan de daxuyaniyek fermî nedaye.