Ji partiya xwe veqetiya û tevlî AK Partiyê dibe

Parlamenterê Partiya Pêşerojê ya Konyayê Hasan Ekici ji partiya xwe îstifa kir. Rojnamevan Sînan Burhan, ku nêzîkî hikûmetê ye, ragihand ku Ekici dê tevlî AKP bibe. Tê diyarkirin ku Erdogan dê sibê piştî civîna Koma AKPê nîşana Hasan Ekici pêve bike.

Di Partiya Pêşerojê ya bi serokatiya Ahmet Davutoglu de îstifayeke girîng çêbû. Parlamenterê Konyayê Hasan Ekici ji Partiya Pêşerojê, ku gelek parlamenter berê ji wê tevlî AKPê bûbûn, jî ji partiya xwe veqetiya.

Sinan Burhan, yek ji rojnamevanên nêzîkî hikûmetê, got ku Ekici dê piştî civîna komê ya sibê tevlî AKP bibe. Serokomar Erdogan dê nîşana Ekîcî pêve bike.

Hasan Ekici di hilbijartina dawî de ji lîsteya CHPê wekî parlamenterê Konyayê hatibû hilbijartin.

Berê, Mustafa Nedim Yamali, yek ji damezrînerên Partiya Pêşerojê, û Parlamentera Antalyayê Serap Yazicı Özbudun jî tevlî AKPê bûbûn.