Bawernameya Imamoglu ya zaningehê hat betalkirin
Dîploma(Bawername) zanîngehê ya Şaredarê Bajarê Mezin ê Stenbolê Ekrem Îmamoglû bi hinceta “nebûn û xeletiyeke eşkere” hat betalkirin.
Di daxuyaniya Zanîngeha Stenbolê ya têkildarî mijarê de; Hat ragihandin ku biryar dê ji Serdozgeriya Komarê ya Stenbolê û Lijneya Xwendina Bilind re bê şandin. Parêzerê Îmamoglû di daxuyaniya xwe ya ewil a têkildarî biryarê de got, “Lijneya Rêveberiya Zanîngehê ti nirxê biryareke bi vî rengî nîne, ev biryar pûç û betal e.”
Di daxuyaniya nivîskî ya ku ji aliyê Lijneya Rêveberiya Zanîngeha Stenbolê ve hat dayîn de ev tişt hatin gotin:
“Bi biryara jimare 3 ya ku di 61emîn Civîna Lijneya Rêvebir a Zanîngeha me ya di 18ê Adara 2025an da hat hildan; Di çarçoveya tesbîtên lêpirsîna bi jimareya 2025/44681ê ya di 24.02.2025an da ya Serdozgeriya Komarê ya Stenbolê 2025 raporê da Li gorî rapora ku ji hêla Komîteya Lêkolînê ya ku ji Zanîngeha me re hatî dayîn, biryarên veguheztina horizontî yên 10 kesên ku qeydên wan ji 38 kesên ku di sala 1990 de derbasî bernameya Koleja Rêvebiriya Karsaziyê ya Zanîngeha me bûne, li dijî biryarên Lijneya Perwerdehiya Bilind û şert û mercên ku ji hêla qanûnê ve têne xwestin, hatine jêbirin. Lijneya mezûniyetê û mezûn û dîplomeyên ku van kesan li ser van biryaran bi dest xistine, bi hincetên ‘nebûn’ û ‘şaşiyeke eşkere’ tên betalkirin. û biryar hat dayîn ku lêkolîn berdewam bin û piştre kar û rêkarên pêwîst bên danîn.
Biryara ku hatiye girtin û hemû agahî û belgeyên ku vê biryarê esas digirin dê tavilê ji Serdozgeriya Komarê ya Stenbolê û Lijneya Xwendina Bilind (YÖK) re bên şandin.”
Parêzerê Îmamoglû Mehmet Pehlîvan di daxuyaniya xwe ya ewil de derbarê biryarê de got, “Me biryar nedîtiye, em ji daxuyaniya li ser rûpela fermî ya Zanîngeha Stenbolê dixwînin. Li gorî daxuyaniyê biryara Lijneya Rêveberiya Zanîngehê ya 18’ê Adarê hatiye dayîn. Bi awayekî zelal diyar bikim; Lijneya Rêvebiriya Zanîngehê rayeya vê biryarê nîne ciwan û biryara Lijneya Rêvebiriya Zanîngehê yek in.”
Îmamoglu piştî ku dîplomaya wî hat betalkirin li ser hesabê xwe yê medyaya civakî ev daxuyanî da:
“Biryara Lijneya Rêvebiriya Zanîngeha Stenbolê ne qanûniye. Desthilatdariya wan a biryareke bi vî rengî nîne. Desthilatî tenê di destê Lijneya Rêveberiyê ya Fakulteya Îdareya Karsaziyê de ye. Rojên ku kesên ev biryar dane dê li ber dîrok û edaletê hesab bidin.
