1ê Gulanê Pîroz Be!

 

Zahmetkêşên Kurdistanê,

Sibê bi boneya 1ê Gulanê, Roja Xebat û Piştgirî ya Zahmetkeşên Cihanê tu jî derkeve kolanan û daxwaza mafên xwe yên netewî, demokratik û çînî bike.

Li kuderê cihanê dibî bila be, ligel zahmetkeşên din ve derkeve meydanan û her usa daxwaz ji zahmetkeşên dinyayê bike, ku piştgiriya xebata netewî û demokratîka gelê Kurdistanê bikin.

Zahmetkeş û xebatgerên Kurdistana Bakur,

Ewrên reş û tarî bi ser esmana welatê da me girtiye.

Rewşa Awarte ya ne ilan kirî berdewam e. Di gelek gund û bajar û bajarokan da gelek caran çûyin-hatin tê qedexe kirinê.

Bi desturê waliyên bajaran, ku bûne padişah, pêşiya encamdana çalakiyên demokratik têne girtin; hêzên ewlekariyê êrîş dikin li ser gel.

Girtina ronakbîr, rojnamevan û nivîskar, dezgeyên ragihandinê her berdewam e.

Militarize kirina Kurdistanê, operasyonên leşkerî berdewam e.

Dewleta Tirk ku, Efrinê dagir kiriye, gefa dagir kirina beşên din yên Kurdistana Başurêrojava, Qendîl û Şengalê dixwe.

Gelê Kurdistanê,

Sibê li kuçe û kolanan da hewar bike, daku:

Operasyonên leşkerî û militarize kirina welatê me bê sekinandinê;

Ji bona çareser kirina pirsa Kurd bi rêka diyalog û bi şîveyê aşitiyê gavên pêwîst bêne avêtin;

PKK dev jê xebata çekdarî berde, agirbesê bê qeyd û şert rabigihine;

Daxwaz bike, ku greva birçîbûne nemine, êdi xortên Kurd li zindanan xwe nekujin.

Daxwaz bike, ku hemu astengên, ku pêşiya xebata sendikayî a zahmetkêşan da hene, neminin û zahmetkêşan bikaribin bi azadî rêxistinên xwe ava bikin.

Daxwaz bike, ku bona ku baca qeyrana aborî ya Tirkiyê, zahmetkêş nedin, bi hevra kar û xebatê bikin.

Ji hêzên welatparêzên Kurdistanê bixwaze, ku li hemberê İttifaka Cumhur û İttifaka Milletê, İttifaka Kurdistanê pêk binin.

Em 1ê Gulanê li zahmetkeşên Kurdistanê û hemu dinyayê pîroz dikin.

Bijî 1ê Gulan!

Bijî Yêkitiya Hêzên Kurdistanê!

30 Avrîl 2019

Partiya Sosyalîst a Kurdistan-PSK

Nerîna min :