YÖK: Tez dikare bi Kurdî bê nivîsandin

Lijneya Xwendina Bilind (YÖK) di bernameyên masterê de ji bilî Tirkî rê li ber nivîsandina tezên bi zimanên din vekir. Di civîna YÖKê ya 1ê Mijdarê de, di derbarê zimanê tezên ku di bernameyên lîsansa bilind ên saziyên xwendina bilind de hatine amadekirin biryarek nû hat girtin.

Bi biryara ku di 9ê Adara 2022an de hatibû girtin, ji bilî Tirkî nivîsandina teza bi zimanên din hatibû astengkirin.

Di vê civînê de li gor daxwazên saziyên xwendina bilind, ji bilî Tirkî rê li ber nivîsandina tezên bi zimanên din hat vekirin.

Di biryara YÖKê de ev agahî hatin dayîn: “Di bernameyên lîsansa bilind ên li saziyên xwendina bilind, ên ku navgîna perwerdeyê bi Tirkî ye, li ser daxwaza xwendekar, nêrîna maqûl ya şêwirmend, biryara lijneya beşê û erêkirina lijneya rêveberiya enstîtuyê, tez dikarin bên kirin.

Wergera zimanekî din, bi şertê ku kurtejiyanek berfireh a bi Tirkî ji çaran yekê tezê ne kêmtir bê dayîn”. Bi awayekî guncaw hat dîtin ku bi awayê nivîsandinê bê guhertin”.