YNK piştevaniya Nêçîrvan Barzanî dike

 
Piştî kombûna encûmena serkiradtîya partîya demokrata Kurdistanê ya bi serokatîya Mesûd Barzanî û ragihandindina kandîdakirina Nêçîrvan Barzanî bo serokatîya hukûmeta  Kurdistanê, Yekîtîya Niştîmaîya Kurdistanê jî ragiahnd, ku ew piştîvanîyê li avakirina kabîneya nû û kesayeta Nêçîrvan Barzanî dikin.
 
Di vê derbarê de peyvdarê polîtboruya YNK Azad Cundîyanî ragiahnd, ku ´´ Hem YNK û hem jî sekreterê giştîyê YNK-ê  mam Celal piştevaniyê li Nêçîrvan Barzanî û kabîneya wî dikin.´´
 
Herweha mamostayê zanîngeha Selaheddînê û çavdêrê siyasî Dr. Salih Mela Omer Îsa di bêjedanekê de ji PNA re ragiahnd, ku Nêçîrvan Barzanî di rêvebirina dewletdarîyê de kesekî xwedan şîyan û jêhatî ye û di salên bihorî jî de ew yek daye xuyakirin.
 
Salih Mela Omer di vê derbarê de got: ´´ Me belge hene ku di serdemê kabîneya pêncem de, Nêçîrvan Barzanî karî bandor û şûnwarê du îdareyîyê di nav hukûmetê de ji nav bibe û derbasbûyek baş heye û karên wî yên berê jî şahidê ewê rastîyê ne.´´
 
Bi bawerîya evî çavdêrî, Barzanî ji alîyê peywendîyên navdewletî ve jî rolekî mezin heye û rolê xwe jî bi başî bi kar tîne.
Dr. Îsa dibêje ku, Nêçîrvan Barzanî di derbarê prosesa çaksazî û yekrêzî ya di navbera pêkhateyên Kurdistanî de, rolekî ciddî leyîztiye û dê bikaribe vî rolê xwe berdewam bike.

Rojevakurd

Nerîna min :