Wezîrê bazirganiyê digel 200 kompaniyan diçe Kurdistanê

Dê di vê heftiyê de zêdetir ji 200 şirket û kompaniyên tirkî bi serokatiya wezîrê bazirganiyê yê hikûmeta Tirkiyeyê ku, mezintirîn heyeta Tirkiyeyê ye, dê serdana herêma Kurdistanê bike.

Hemze Hemîd rêveberê ofîsa ragehandinê a wîlayeta Hewlêrê li dor serdana şandeya bazirganiya Tirkiyeyê di daxuyaniyekê de ji Sibey re got:

– Zêdetir ji 200 şirket û kompaniyên tirkî bi serokatiya wezîrê bazirganiyê yê hikûmeta Tirkiyeyê dê piştî 20ê vê mehê serdanan herêma Kurdistanê bikin û ew heyeta tirkî dê di warê aborî, bazirganî, senayî û industrî de li herêma Kurdistanê kar bikin.