Serok Nêçîrvan Barzanî biryarnameyek ji bo diyarkirina roja hilbijartinên bê yên parlamentoyê îmze kir.
Di biryarnameyê de li ser bingeha xala duyem ya madeya 10 ya yasaya serokatiyê ya jimare 1 ya sala 2005ê ku hatiye guhertin, Serok Nêçîrvan Barzanî biryar da ku roja 2024/6/1ê roja hilbijartinên giştî yên gera şeşem a parlamentoya Kurdistanê bê li darxistin,
Li gor wê biryarê, hemû aliyên pêwendîdar neçar in ku ji bo cîbicîkirina vê biryarê, îro pêve pêngavên pêwîst ji bo hevkarîkirina komîsyona bilind a serbixwe ya hilbijartinan bavêjin.
