Serok Nêçîrvan Barzanî pîrozbahiya Yekîtiya Zanayên Îslamî ya Kurdistanê kir

Serok Nêçîrvan Barzanî, bi minasebeta 54 salvegera damezirandina Yekîtiya Zanayên Îslamî ya Kurdistanê peyameka pîeozbahî ragihand.

Peyama Nêçîrvan Barzanî:

Bi helkefta 54 saliya damezrandina Yekîtiya Zanayên Îslamî ya Kurdistanê, ez bi germî pîrozbahiyê li mamosteyên birêz serok û endamên mekteba kargêrî ya Yekîtiya Zanayên Îslamî ya Kurdistanê û hemû mamosta û zanayên olî dikim û hêviya serkeftinê ji bo wan dixwazim.

Em hebûn, xebat û têkoşîna Yekîtiya Zanayan û Mamostayên Olî hem di dema şoreşê û hem jî di dema azadiyê da bilind dinirxînin. Bi vê minasebetê em hemû şehîdên Yekîtiya Zanayên Îslamî ya Kurdistanê bi rêz û hurmet bi bîr tînin û rêz û silavan ji giyanê wan ra diṣînîn.

Em tekez li ser rol û bandora mamostayên birêz yên olî û Yekîtiya Zanayên Îslamî ya Kurdistanê di pêşxistina çanda pêkvejiyan, hevpejirandin, lêborînê, rûbirûbûna tundrewiyê, hezkirina welat û aştiya civakî da dikin, herwesa, em bi hemû awayî piştevaniya hewlên Yekîtiya Zanayan ya ji bo dabînkirina hemû mafên mamostayên olî dikin.

Nêçîrvan Barzanî
Serokê Herêma Kurdistanê
21.09.2024