Serok Barzanî sibe beşdarî civîna perlamentoyê dibe

Pêş serdana bo Tirkiyê û çend welatên din, Mesûd Barzanî serokê herêma Kurdistanê, sibe amadeyî daniştina parlamentoya Kurdistanê dibe û dê gotarekê pêşkeş bike.

Dilşad Şehab, cîgirê serokê lîsteya Kurdistanî di parlamentoya Kurdistanê de ji AKnewsê re got: “Duh serokayetiya parlamentoya Kurdistanê civîneke taybetî digel serokên firakisyonên li nav parlamentoya Kurdistanê  bi mebesta xwendina çend pirsên ku hindek ji wan pêwendî bi karê parlamentoyê re hebûsaz kir.”

Her wiha Şehab got, “Xala serekî agahdarkirina serokên firakisyonan bû ku sibe, şemiyê,  serokê herêma Kurdistanê bi mebesta ronîkirina geşta bo Tirkiyê û çend welatên din amadeyî civîna parlamentoya Kurdistanê dibe ta armancên serdananê ji parlamenteran û xelkê Kurdistanê bi giştî re ron bike.”