Rewşa jinên Kurdistanê li Brukselê hate nirxandin

Rewşa jinên Herêma Kurdistanê li civîneke bilinda Parlemena Yekîtiya Ewrupa li Bruksel hate nirxandin.

Şandekî Herêma Kurdistanê ku ji xanim Pexşan Zengene Seroka Lîjneya Mafê Jinan ya li xula berê yê Parlemena Kurdistanê û Sekreterê Giştî yê Encumena Bilinda Karubarê xaniman û Florîn Gorgîs çalakvana li warê civaka medenî û Birêvebera Giştî Dîwan li Encumena Bilinda Karubarê Xaniman û Çinar Se’ed Abdullah çalakvanê medenî û siyasî û Dilawer Ajgeyî Nûnerê Hikumeta Herêma Kurdistanê li Yekîtiya Ewrupa li gel şandekî Hikumeta Iraqê, li avahiya Parlemena Ewrupa li Bruksela paytexta Belçîka beşdarî li civîneke berfireh ya di derbarê rewşa jinên li Herêma Kurdistan û Iraqê da kirin.

Ev civîn bi serpereştiya Parlementer Stirwan Stîvenson Serokê Lîjneya Parlemena Yekîtiya Ewrupa yê Karubarê Iraqê, bi beşdariya hejmarek ji Parlementerê Ewrupî û fermanberên Parlemen û nûnerê komîsyona Ewrupa û şandekî balyozxaneya Iraq û nûnerayetiya Hikumeta Herêma Kurdistanê birêveçû.

Civîn taybet bû bi pêvajoya jinên Herêma Kurdistan û Iraqê ku têda çendîn gotar û babetên pêwîst bi rewşa jinên li Herêma Kurdistan û Iraqê hate pêşkêş kirin. Paşê dergeha pirsiyar û bersîvan li ruyê amadebûyan ve hate kirin û beşdarbûyan jî bersîva wan pirsiyaran da.

Nerîna min :