Rêjîma sûrî dixwaze Dr Ebdulhekîm Beşar winda bike..!!

 Keça Dr Ebdulhekîm Beşar (sekrêtêrê Partî Dêmokratî Kurd li Surya), Viyan Beşar, xwest ko Pasporta xwe dirêj bike, lê li Hisiça jê re gotin ko ew nikare ji welêt derkeve û divê ko here rex muxaberetan li Şamê ji bo lêpirsînê..
Di 27/4 de Viyan Beşar çû cem muxaberatan (beşê Filestîn) li Şamê, ko pîstrîn beş e, û bi pirsa kurdî ve têkildar e..Li wir, û li gor daxuyaniyeke Dr. Ebdulhekîm Beşar, jê re gotin:
–    Ew nikare ji welêt derkeve bêyî erêbûna muxaberatan (beşê Filestîn).
–    Kirin û rabûn û rûniştina bavê te gelekî xirab e, û bandora van kirinan li malbata we jî dibe, û di pêşerojê de jî dikare pir ziyanê bighîne we. Weke nimûne tu niha dixwînî lê paşê mumkin e ko em kar nedine te, eger bavê te li ser kirinên xwe dewam bike..
–    Ji hemiyê dijwartir û ciyê metersiyeke pir mezin e, ew e ko ji Viyan re gotin ko ew dikarin bavê wê winda bikin, lê niha rewş û derfet ne baş in, û ew naxwazin wî bikine qehremanekî netewî..!!
Hêjayî gotinê ye ko bi dih hezaran mirov li Sûrya nikarin ji welêt derkevin ji ber xebatên wan î di warê mafên mirovan de yan jî ji ber bîr û baweriyên wan û xebatên wan î siyasî..Lê bigihe asta hilandina kesayetiyeke siyasî naskirî, weke Dr. Ebudulhekîm, ji holê û tunekirina wî, êdî derbaskirina hemî sînoran e..